مزنٍ بها همر القوافي غزيره
تسري على جوف المشاعر وتسقيه
فيها بروقٍ تقلب الكون نيره
ورعودها سطح الوسيعه تساويه
من شرب من ماها تحدد مصيره
ما له سوى دربين درب يناديه
أما سلك درب المعاني السفيره
وحظه. .لقى نور ينّور لياليه
والا رحل ياعل بألامر خيره
تاهت به أقدامه وضاعت خطاويه
حسب المعرفه ما أدعي بالسريره
هذا الشعر ياجاهل في حراويه
فيه المديح أن صار للمدح سيره
وفيه الرثاء لي فارق البيت غاليه
وفيه الحماس أن ثار بالرأس غيره
لي جاء عدو الدين نبعد هقاويه
وفيه الوفاء أذا لفا من نجيره
وقومٍ بلا جيره حطبها تخليه
وفيه الردود بقافيه مستنيره
تجاوب اللي مرسل القاف وش فيه
وفيه العلوم الطيبه والمريره
ويابخت من طيب المعاني تخاويه
وفيه الغزل جمر تزايد سعيره
بالذات من يعشق حبيب مجافيه
لا وعذابى يوم أنا صرت أسيره
وشلون اخبي سر في قلب هاويه
لا شك أنا فردٍ من أسره شهيره
ما أحدن تخلى عنه لا حل قاديه
أصبح كما شيخ تزعم عشيره
ماقال قلنا تم فيما حكم فيه
للشعر مغزى والمعاني كثيره
ومن ينظم الاشعار نعرف مغازيه
ومن يشرح المعنى يدور قصيره
وأن طال شرح البيت ضاعت معانيه
تمت الاضافه بواسطة : سالم الفروان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.