يانفس صونيني. لـ عمار السويداء الخالدي

يانفس صونيني - عمار السويداء الخالدي

عمار اقرب ابي اضمك واواسيك
ماحك جلدك مثل ظفر(ن) بيمناك

لا صار مالك من عشير(ن) يشاكيك
انا لك اسمع قل وانا اترضاك

هواك يا نفسي دمرنا ابنهيك
ابي رضى من كون(ن) ثم سواك

سبحان ربي يسمعن يوم احاكيك
يسمع حكينا وش حكينا وش اقصاك

يا نفس بالفطره ترين(ن) انا اغليك
والموت في قبري تريني بلياك

ويوم القيامه بدعي الرب ينجيك
ثم ندخل الجنه هناك أترضاك

يا نفس داريني وانا لك بداريك
نبي الظفر من فوق يا عوع دنياك

يانفس صوني من الهوى قلب راعيك
وخليك في طوعي وقصري من خطاك

يا نفس هذا العلم همي بلاويك
كم واحد(ن) يبي يكحل العين واعماك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.