يقول من يكتب على ما طرا له
لامن بغى شعره على الكيف سواه
ياخذ جزيل القول ويترك اهزاله
قوافي عن كل عيب امنقاه
انص الاميراللي سند من عناله
عبدالعزيز اللي على العز مسعاه
عبدالله الفرحان ساعة لجا له
قال العصيمي طالب منكم الجاه
قال ابشروا لو الطلب من حلا له
جميع مايطلب على الربع شلناه
الوقت هذا فيه تعرف رجاله
ابذكر الطيب وبشرح مزاياه
لاقام في الموظوع ثم ارتكا له
ابو حزام يصل العلم منهاه
لامن بغى شي تطوله احباله
وحبال غيره ماتورد ظماياه
الشيخ معروف وتذكر افعاله
عون الضعيف اللي زمانه توطاه
يوم المخيريمي ابسجنه شكاله
صلال تعرف قصته يوم ينخاه
يفداه من هو شيخته في رياله
يدور الشيخه وهمه ابدنياه
عسى السحاب اللي نخيل خياله
جعله على الافلاج تنشي رفاياه
ويسيل الفرشه وتملى اهجاله
ابو حزام ذوده العشب يرعاه
الى خذا عشرين يوم كماله
تشوف روظه زاهي العشب محلاه
اللي يشوفه مايصدق خياله
ماودك الموتر الى مر ياطاه
ذا قول منهو صادق في مقاله
يخاف نقادن ايدقق ابمعناه
ياركب اللي تو ورد وكاله
جيب جديد يطرب القلب ممشاه
لا دق سلفه كن صوت اشتغاله
وحيف شوب من قنيف نثر ماه
ومن عقب هذا درجه بالعداله
لعبدالعزيز وحط خطي بيمناه
الشيخ الى جيته يوّنس قباله
فالمجلس اللي لا جلس فيه يزهاه
نقيت معناها بسبك الجزاله
من عندنا يم العجالين مهداه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.