راع النميمه عسى الله يقطع السانه
من شان يصبح لغيره يا عرب عبره
ومن يشهد الزور جعله ينتكس شانه
وادعو معى جعل ربى يقصف بعمره
واللى بمال الحرام يعيش ورعانه
خسران واشهد بأن المال ماسره
الطيب اللى يحط العدل ميزانه
اشهد بان الفقر والجوع ما ضره
ولا خير باللى يحط الكذب عنوانه
يقلب حقايق وكل(ن) عارفن أمره
النوم ما طاب لى والعين سهرانه
من سبت اللى بليت اليوم في شره
عاهدت نفسى مدام العهد ما صانه
اني لاخليه يبكي والسبب نظره
الصحبه اللى بوقتى مالها خانه
مثل القلم لا خلص ياصاحبي حبره
النوخذه بالبحر يبحث عن الدانه
والحر بالجو مايتبع اثر جره
والطيف اميز تراني جملة الوانه
والموهبه دايمن تحتاج للخبره
قصدتني يوم نفسك حيل تعبانه
تشكي وتشكي وداخل خاطرك حسره
تقول سرك وتطلبني بكتمانه
وقول في داخلى الهم ياكبره
وعفاك ربى عزيز الشان سبحانه
ونسيت طيبي وفعلى اليوم بالمره
النفس من طعنتك بالحيل تلفانه
وشلون تطعن صديقن امنك ظهره
والرجل يحفظ لسانه حيثه احصانه
ولا خير باللى يبين للعرب سره
بالوقت هذا اشوف الناس بطرانه
والحسد باين ووسط قلوبها حره
والعاقل اللى يثمن هرجة السانه
ومن غلطة الغير دايم ياخذ العبره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.