المؤمن الحق يرضى بالقدر والنصيب
والي كتب له من الله لازمٍ يرتضيه
ولا يلوم نفسه مؤكد كل شمس تغيب
وتشرق بعد ليلةً يا صبحها يحتريه
العسر بعده يجي يسرين وقتٍ قريب
والضيق لابد من بعده فرج يقتفيه
والي بدنياه قلبه فيه جرح عطيب
يبرا مع الوقت وان زاد الالم يكتويه
وينشد مجرب ولا ينسى يروح لطبيب
وبالصبر والعزم يتحقق له الي يبيه
ودعوات من هو سميعٍ للدعاء يستجيب
الخالق الباري الي دايم نرتجيه
يكتب لنا الخير والخيرة عساها تصيب
راع الهوى الي تولع والشقاء يحتويه
الي قضى زهرة ايامه وكنه غريب
في وسط ناسه وحلو الزاد مايهتنيه
ويتغيرالحال والاوضاع قبل المشيب
وتشوف عينه ملامح وجه من يهتويه
ولايدخل اليأس قلبٍ بالمحبة خصيب
ومن يغرس الخير موعودٍ يبي يجتنيه
والفكر مايقلقه غير الضجر والنحيب
لكن أبا أنصحك واسمعني وعقلك نبيه
في عالم الحب خلك ياودادي نجيب
وافطن للحظات عمرك يالغلا لا تتيه
عش واقعه ياغناتي سهل ولا صعيب
والي مضى من زمانك لاتحسف عليه
خله بدنياك ذكرى زينها لايغيب
والشين لاتذكره ياسعد منهو نسيه
وفي بكره الهقوه اتمنى عسى ماتخيب
وابشر فديتك ترا الغالي لكم نشتريه
وصلاة ربي على الهادي البشير الحبيب
محمد الي سطع نوره وصلو عليه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.