حياك ياسلطان طالت حراويك
ياعل موفور الشفا والسلامه
بقلوبنا نطلب حضورك وندعيك
يامصدر الاحسان ياخير هامه
نورت وقلوب الوطن لك مماليك
يامرحبا ترحيب عالي مقامه
من فرحتي ياسيدي وين اوديك
ولهان اشوفك ياحبيب الامامه
جيت وبلادي دنسوها صعاليك
جيت ولقيت ادروب شر وندامه
حد الجنوب يحن لملامس ايديك
ازحف على المجنون واكسر عظامه
مجنون هالحوثي يحاول يعاديك
مايدري انك ترجمان الزعامه
ياسيدي نورت دارك واراضيك
الليل في غيبتك داكن ضلامه
غير الكرم ماضن رجلن يساويك
في مرجله في معرفه في شهامه
عمري قبل عمرك وربي يخليك
ياهيبة القائد وسطوة كلامه
سافرت من مده وقلبي يراعيك
خايف على الدنيا بدونك ندامه
ياليتني ياسيدي قدم عينيك
واحميك لاهبت عليك الغمامه
في دار ابو متعب تزيد التباريك
خادم بيوت الله يومه وعامه
ياملوكنا ياهل الوفا مانعاديك
ونتم عليكم حمل يوم القيامه
حنا لكم من غير منه وتشكيك
حنا بكم ياسيدي في كرامه
امر يابوخالد على النفس وتجيك
رجعتك يافخر العرب استقامه
وتصحح ا لغلطه قبل يذن الديك
غلطة من الواطين قوم الرخامه
طابت لنا الوقفات والشعر يسقيك
ياساقي الاحسان جوف اليتامه
انور مطارك يالرياض ونبت فيك
ورد البنفسج والنفل والخزامه
الارض ياسلطان تعشق خطاويك
عشق الحببب اللي يقدر غرامه
عل المرض والهم فيني ولافيك
يانور ليل اللي تمادى ظلامه
صاحب سمو الا السمو في مماشيك
رجعتك مثل البدر ليلة تمامه
يادار غني وارقصي ياشبايبك
بعد وصل سيف العدل والكرامه
ياسيدي حنا معك منك اليك
جب الوطن واجب علينا لزامه
اشر وربي لوتبا الان لا اجيك
عهدالوفا واجب علينا احترامه
المملكه ماهي شقق بيع تملبك
على مزاج اهل الخنا والرخامه
نفتك من صدام ويجيك يذيك
حوثي عسى ربي يحثي عظامه
يابلانا منا ومنه ومنيك
حنا رصاص الصد حنا حزامه
ولاعاش ياجده حبيبن يجافيك
الا المطر ياحلوتي وارتطامه
من جودك الامطار بالكوم تعطيك
حتى انفلت حبل البعير وخطامه
واضحت يابوخالد تصيح وتناديك
من بعد ابو متعب حبيب الشهامه
في شهر حج الله نلبي وترجيك
وجييت واملنا يرتفع الف قامه
يامرحبابك والحشا لك موافيت
ياسيد الجبش وياذرة سنامه
والقلب مدهالك والروح لك بيت
ياعل ماتعرف دروب الندامه
ياليتني ظلك مدى العمر اماشيك
ولامعك مثل الفشق حزامه
طال السفر والنفس بالود تبغيك
ياكاسي الاحسان ثوب وعماهه
ياسيدي في ساعة الحرب لبيك
اصغر ولد فينا يسابق عمامه
لبيك يالحد الجنوبي وسعديك
لبيك من جيزان حتى تهامه
سر ياملكنا كلبونا نباريك
مانعرف الا المرجله والشهامه
لجل الحرم شبيك ياكنق لبيك
مايختفي في وقتها الا الهلامه
ويالنايب الثاني عظيمه مساعيك
يابومحمد يالامن ياحسامه
نظف بلد نا علني يوم مابكيك
من شرذمه فيها الخيانه علامه
واما نت يالحوثي زعيم الصعاليك
قبرك ومسكانك بوسط القمامه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.