اليوم في سوق الذهب. لـ محمد حمد القبيضي

اليوم في سوق الذهب - محمد حمد القبيضي

اليوم في سوق الذهب يوم وقفت
يوم هبت الارياح يوم المراعيد

الله يا سلمان لو شفت ما شفت
لونك رقبت الليّ رقبها سعد عيد

ابو عيون ٍسود نازل من اللفت
ويامزين الصدفه بليا مواعيد

مقدر اوصفها ولو كان وصفت
كنك موردها على الكيف توريد

راع الثياب الليّ من الناعم البفت
والريح غربي والمذابح مجاريد

قعدت اناظرها ومن نظرتي خفت
انظر لها وانسى الحيا والمناقيد

وقفيت كني منحدر عقب ماشرفت
مابغى هواجيسي على قلبي تزيد

يابو بشيّر برسلك لو تكلفت
لابو بجاد وحيثه من القواصيد

لانه ذهين وخابره يفهم الكفت
من غير ماتردد له الهرج ترديد

يفهم جواب ٍللاصاحيب ولفت
واكيد ما يبخل بما يعرف اكيد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مناسبة القصيدة

قصيده من الشاعر / محمد حمد القبيضي موجهه لشاعر سلمان بن حماد القبيضي ولشاعر محمد البياضي ورد الشاعر /سلمان بن حماد القبيضي على االرابط ورد الشاعر / محمد البياضي على الرابط http://www.alsh3r.com/viewpoem.31493.html

عناوين مشابه