الا ياراكب

آلا ياراكبٍ حر ٍ عزوم
ليا أعطى مع شديدات الحزوم

أخف من الطيور اللي تحوم
مثل الذئب قطاع الرمالي

يسرح من طرف مكة صلاه
والركّاب ما يلحق قصاه

أهل شقصان بالهين مساه
آلاد جعيد أهل صبح الدلالي

أوصلي أهل الذمة وصاه
قل الصف لا تشقر عصاه

ترى الحصن عزه من بناه
يرسي مثل ما ترسي الجبالي

أودع لي كلامي لا يضيع
ترى عزكم في كل ريع

وجبراكم على كل الوضيع
وترى العز من جبر الرجالي

ترى ألكم عميلا ما يهاب
ولا له عندكم سده وباب

ولا له من مواهبكم شراب
ولا ني خابر ٍ له رأس مالي

من دون الشفا ما له حدود
لا له لا ديار ولا عدود

ولا له عندكم منزل جدود
رأس المسلمه حد ٍ هلالي

روحوا له كما الضلع العنيف
اللي بين ضلعانه منيف

لين يصدر الوارد معيف
ويطوي صميله والحبالي

ردوا كل مخطي عن خطاه
وأسقوا كل ظامي منتهاه

لين يقصب الوارد رشاه
ويصدر عن العد الزلالي

يقوله من بدى رؤس الرزون
ويغني بزينات الّلحون

تشدي در نابية المتون
أغني بها وإن هاض بالي

هرج ٍ مثل در المبهلات
اللي ترتعي زين النبات

حيث الليل يمسيها تبات
ما ترعى يقع بيض الرمالي

ترعى في ذرى قيف ٍ صلاب
والله ما يعلق من صواب

ومضرين دائم بالتعاب
وألهم فعل يوم الحظ عالي

ذرى من يقاضي كل دين
اللي فعلهم دائم يبين

أهل الكيف والكبش السمين
وأهل الضيف في عسر الليالي

يقوله من تهيّض بالردود
سوات العسل من كل عود

وألاّ در سمحات الخدود
يشدا الدر من خلف ٍ متالي

اللي في الديار مشرهات
من شقصان جايه صادرات

منهاها الحدود مرتعات
من خشم العمود اليا الظلالي

من برقه تغوث اليا العمود
مر تعهن من يوم الجدود

ما أخذوها مبيحة السدود
الأقصين منهم والموالي

ترعى في ذرى سمو الجعيد
اللي لبسهم صافي الحديد

والمخطي عليهم ما يزيد
نثني شاربه لو كان غالي

أبن --- القيف العصاه
قيفاً ما أحد يلحق قصاه

ثنيناه عن طاري هواه
وأسقيناه من مرٍ وحالي

جزيناه في ذبحة قيا
في قاصاء ذبحناهم قضى

درى عنهم اللي ما درى
على وضح النقى الأبيض يلالي

أخذنا اللوازم باليدين
من الأجنبي والأقربين

وقضينا من الدّيان دينأن
أن هبت صبا وأن جت عوالي

ودورنا --- في خطاه
من دوّر على المخطي لقاه

سبع سنين موبلته يداه
عنّا في ديار هذيل جالي

جزيناه في السبع السنين
وجلانا ملامه باليدين

الله ثم القبائل خابرين
جزيناه في طول المهالي

نقانا بسبعه في القصير
اللي في ديارنا مستجير

وش حده على ذبح القطير
ما حسّب خطاه

أول وتالي والثامن --- ٍ صليب
-جانا فازع ٍ ماله عزيب

ولا له عندنا حقاّ مصيب
وأخذ مع طلوع الشمس فالي

وقف له صبي ٍ ما يهاب
كمل به على السبعه حساب

خليناه طايح في الجناب
دمه في أسفل أم عظام سالي

صبرنا على الحمل الثقيل
وذبحنا الكحاله في الصميل

شقه واحدٍ مخط الدليل
ونقانا بسابقها الطوالي

آلا يا لله يا مبري العليل
تجافي عني الحمل الثقيل

ليا هالوا على قبري النثيل
وفارقت القرابة والأهالي

وتهديني على تقوى ودين
وتعطيني كتابي اليمين

ليا جوني به الربع الثنين
وليا أنه من السيئات خالي

ليا واتيت مامؤن الحساب
وسألني يبي مني جواب

وجاب اللي عملته في الكتاب
وهو مرفوق وأما أنا لحالي

كلامي يورخ بالثبوت
يقعد حي دائم ما يموت

ويذكر في القوائم ما يفوت
يذكر في الكتاب وفي السؤالي

كلام الجعيد اللي قصور
وليا أنه هرج ما قال زور

وليا قال أله قول مخبور
ينقد جابته نقد الريالي

ليا هاض صدري بالهجوس
أنقدها كما نقد الفلوس

للي في مجالسهم جلوس
كلامي يورخ للرجالي

كلامي يفيده من يفيد
ولا يفتاد منه إلاّ الرشيد

مثل اللي غزى ويجيب فيد
يجيله بفيد ورأس مالي

كلامي يورخ وأحفظوه
ويا أهل الفيد بالسلم أشتروه

وليا مت عني ورخوه
مثل اللي يضمن في السبالي

ياربي طلبتك يا ودود
ليا أمسيت من بين اللحود

لا حولي صديق ولا ريود
إلاّ جالت القبر الهيالي

وأختم بالله الرب الجليل
دليل من ما له دليل

مخلّص عميل من عميل
آلا يا الله يا عز الجلالي