وآقلبي يالليّ كن يشظاه شاظي
هم يسامرني على تالي الليل
مقسوم ربي ماعليه اعتراضي
والعبد ما بيدينه العدل والميل
يالله يا مسقي عطاش الفياضي
من مدلهمه تحتها يدرج السيل
العقربان وبرقها يوم ناضي
وسمية يسبق رعدها الهمالييل
تجعل لنا من فيض جودك مراضي
يامفجر زمزم وبجناح جبريل
هاض الضمير وهاج الفكر هاضي
وقمت اتذكر وين نفع الرجاجيل
اكتب جوابي وارسله للبياضي
قرم ٍيحوش الطايلة والتنافيل
ياابو بجاد غليم ٍلي غضاضي
حطوه ما بين القشروالتهاويل
ياابو العوايد والفعول المواضي
ابغى تجيبه يا سليل الحلاحيل
مانسى جميلك كان جانا النهاضي
بجهودكم والله عليه التساهيل
ورديت عليه بهذه القصيده :-
امية هلا يالليّ بالاقدار راضي
يامن شرح لي ضيقته بالتفاصيل
عنده قضيه واصمع القلب قاضي
وحكم القضاء يبقى من الرووس ويشيل
يامعزي العجلان في الوقت راضي
قصر خطاه وفالسنة يقطع الميل
وليا تتبعنا الخطوط العراضي
وقت الرخاء ضد الرجال المشاكيل
نخيتني ولو كنت ماني بفاضي
بجند المجهود والوقت بالحيل
لك لو آعاني في طلبك اعتراضي
من الظروف مقطعات المواصيل
والامر لو يلزم لروح الرياضي
ماهو خسارة بك وبك يعجز القيل
من ناس معروفين حاضر وماضي
تاريخهم دارج من الشط للنيل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.