سلامي سلامٍ يشرح البال والكيف
على اهل الوجيه اللي لهم مقدريه
سلامٍ كما طلع النضيد المناصيف
من الشاطي الغربي عفيف النحيه
يعم الجميع وخص من يكرم الضيف
سعد سعد من شافه ولوهي شويه
منزه عن الشكه منزه عن الحيف
كريم السبال امجملٍ في خويه
من اعتيبه اهل الرمح والدرع والسيف
حمو نجد ظلوها سوات الرفيه
تعلوا سنام المجد نيفٍ ورا نيف
سما ذكرهم مثل الصقور العليه
وانا مامدح الاجود لجل المصاريف
جزيل المكارم له حقوقٍ عليه
من الورد والريحان والعود تشريف
ختام القصيده ياسعد والهديه
ردالحرالاشقر//هلا مرحبا بمكلف الخط تكليف
على العود الأزرق وأشقر الشاذليه
على السلم والماجوب حق ٍ لياشيف
مقاديمنا الترحيب والنار حيه
مقام ٍٍ رفيع وهيبة ٍ فالمواقيف
معاديل حق وللسخاء حاتميه
مادام الليال بخير تلقالها ريف
يجير المجير وذايع فالبريه
جسور ٍ على الكايد وصنع المعاريف
مواثيق ساسه ورثوه الوصيه
لياقيل منهو قلت من غير تعريف
على ساس غامد والكفوف النديه
رفيع المكانه فعل ماجات تزييف
رقتبه ولاجاء فالمكانه حليه
كليف المراجل ماشكى من تخاليف
على النعم يتعب ماخذاها عطيه
موازين حق وللدعاوي عواريف
وجيه الوفاء وافين في كل هيه
لو إن الليالي ياعلي بالصواديف
فديت النشامى بالوجيه الرديه
جبال ٍ مراسي وأن قفتها العواصيف
تفرّق هواها والمتاقي ذريه
لكن استوت رووس ٍ على الرووس ياحيف
وطالت يدين ٍ قاصره عن نويه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.