لا تهوجس ما أبي غيرك ولا ودي بثاني
ولا تشك بقدر حبك لعنبو حزة هجوسك
لو سألت وقلت يا ( أحمد ) وين هي نقطة مكاني ؟؟
قلت لك وأنا صريح القلب ( وضعية جلوسك ) !!
ولو زعلت وصرت أنا مخطي عليك وشبه جاني ؟؟
أتعذر وأن رضيت أمسح على خدك ( وأبوسك )
لنك " أجمل " مارأت" عيناي" في هذا الزماني
ولنك " أول " من جعل " ممشاي " من قوسك لقوسك
أستريح وهد نفسك برسمك رسم البياني
في قصيدة وأعتبرها جزء دفتر من دروسك
شاعرك لما يغني فيك ياليل ويداني
من جنونه ينضمك في بيت والثاني يحوسك
وأن تغزل يالوساع وجاب ماكانا وكاني
يبتسم ليلك شموع وتصبح القمرى عروسك
يعني عيونك بحر !! وشفاك شاطئ للأماني !!
كم غرقت وحد قلبي للشواطئ حد موسك
لأنحنى راسك حيا وأصبحت من وقتك تعاني ؟؟
لا ( تبالي ) فأعتبرني رأس صامد من رؤوسك
بس لا تسأل عن الماضي ترى ( جرح وكواني )
كم سألت ؟؟ وقلت مدري !! ورحت لاكن في نكوسك
ترجع وتسأل وأنا لا جيت أبكشف عن كياني ؟؟
ردني صمتي أخاف الجرح لا قلته ( يدوسك )
ثق تماماً يالوحيد اللي ربى بين المحاني
أنك لحالك دخلت القلب وأرتاح لجلوسك
ووالله أني ما أبي غيرك ولا أفكر بثاني
قد حلفت بقدر حبك لعنبو حزة هجوسك !!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.