يالله ياللي كل شي بامره يصير
يالخالق المعبود ياالرب الصمد
ياعالمٍ وش بالخفايا والضمير
يامقسم الأرزاق من قبل المهد
ألطف بحالٍ كنه الطير الكسير
مارفرف أجناحه ولاناظرباحد
يونس من جروحه ولا يقدر يطير
ويلاه ياجرحٍ يكفيله بلد
ماتنفع الدمعه ولو دمعي غزير
الهم كاسيني ولا فيني جهد
يسريبي المركب على منحا خطير
يامركب أوجاعي وهمي والسهد
من هو سأل عن حالتي ماني بخير
الكون مظلم في عيوني ياولد
سادس نهار العيد يالجمع الغفير
جاني خبر منه عظامي ترتعد
في جمعةٍ حدد له الرب المصير
يوم أذن المذن معه جاه الوعد
الى جوار الرب مثواه الأخير
مرحوم ياللي بالشهاده أستعد
مرحوم ياللي لاذكر بالفعل غير
عد المراجل لين جاب أكبرعدد
الكايده ماشالها غير البعير
وأنت البعير أشعيل حلال العقد
أنته عضيد اللي على دربه ضرير
ياراعي النخوه وياواف العهد
يالمعتصم بالله يالسيف الشطير
ياللي مع المظلوم دايم له سند
ياللي سراجك ضو للعالم سفير
يشهد لك اللي صام لله وسجد
مهما كتبته يايبه شعري فقير
لوكنت في بحور الشعرغارس وتد
ياجعل قبرك روض من جنه منير
وبعالي الفردوس تنعم وتخلد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.