سميت باسم اللي هون الكيد والكود
رزاق خلقه شيبه وطفوله
الواحد اللي عالم خاف الاسدود
علام خاف والبشر مادروله
يامنجي يوسف وكذلك داؤد
وكذلك أنجا نوح وأحسن اعموله
يألله يا اللي كل خلقك لك سجود
في ساعة فيها الخلايق ذلوله
ياحمود كانك تسأل ويش ياحمود
البارحة سهران ليلي ابطوله
ماهو على شان الغضي غض الانهود
الجادل اللي بالعذارئ خجوله
بلاي شيخ اصبح اليوم مفقود
ليت الخبر ياحمود كذب رسوله
جانا الخبر لوكان ماهو بمريود
نفسي على فرقاه والله زعوله
ليت الدهر جنب بجوره عن سعود
مرحوم ياراع الصخا والرجوله
لو ينشري بالمال نشريه بنقود
ولو ينعي كل الرفاقه نعوله
ولونها بالهوش نجي له جرود
عنده تشوف الرويل صوله وجوله
لكن مقدر والقدر يوم ماعود
مافيه حي عن يد وقته يطوله
واللي عجوز للأجاويد حاسود
عجوز صارت بالعباد مهبوله
كلن لها بلعاليه يرفع السود
عقب السعادة عجلت في ميوله
والحمدلله بيته اليوم مشيود
بالشيخ مساعد عز ربع عنوله
وعناد قدم منهجه منهج العود
أهل الكرم والطيب وأهل البطوله
متوارثين الطيب جد وراء جدود
ياجيتهم تلقئ النفوس السهوله
فهود نسل فهود من خلفه فهود
مافيه شك بين عم وخوله
من ترثت بشيتان والفعل ماكود
يوم النمش والسيف تذكر أفعوله
الله يكفيهم شر منعض وحاقود
عسى لهم قدم أيام مهوله
نعتاض فيهم بالبقى حمايت الذود
حيث انهم وقت اللوازم اصعوله
نعم بهم والله ولا فيه مجهود
كم واحد مظيوم شالوا حموله
هذا كلام نذكره دون مقصود
ولا خير في هرج بليا اصوله
وأقولها وخصهم خص مفنود
نرفع تعازين لكل الحموله
والخاتمه لو طاعنا الموت ياحمود
خلئ النشامئ واكتفئ بلغحوله
عساه بجنات الولي منقع الجود
نطلبه الفردوس ماقع نزوله
وصلاه ربي عد ما هلت رعود
على النبي اعداد ما كبروله
______شعر / عشيان بن سليمان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.