ياخالد الحطاب جتك الرساله
مسنودتن في شي ماهو بمشيوف
حبل الدلو معروف فوق المحاله
والذيب ياخالد اله عدة اوصوف
ركز معي والهرج مالك وماله
اخذ الكلام الى كما الذهب مصروف
من احسن المعروف يلقا عماله
يلقا جزا الحسنه ولا يلحقه خوف
ويش العمر من دون طيب وجماله
انشهد انه يابن حطاب معيوف
بعض العرب قاعد على الناس عاله
وايضا يحسب انه معظم ومعروف
مايدري ان الوقت لا شان زاله
وراحت حياته دون خيرا ومعروف
خبلٍ ليا منه لقا العلم شاله
انشهد انه يابن حطاب ملقوف
انا ادري ان شوفه حوالي ظلاله
وانا غرامي ياولد مبعد الشوف
ماهمني نور القمر في جماله
ولاني بعشاقن هو حصه ونوف
وبحر الشعر ماني من الى يعناله
لامن بغيت العب لي القاف مصفوف
اختار من جزل البيوت الجزاله
وبنات فكري كلهن قدمي اوقوف
وامر عليهن في معاني محاله
وياتن لي المعني ولو ماله اوصوف
ولاني من الى بالشعر شاف حاله
الى يحسب انه ملك قلب الاخشووف
الى قصيده في هواه وغزاله
الى خذت قلبه ولا تراعي اضروف
نست وفاه وقاطعة في وصاله
وهو ملى قلبه عقب قطعها الخووف
يسمع بقيس وحالته وش جراله
وصبح يابن حطاب حاير ومكتووف
الله لا يبلا الرجال الشكاله
ولا الردى مالي على طيحته حسووف
هذا كتابي واعتذر بالاطاله
والذيب ياخالد اله عدة اوصوف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.