تقول: أبــغــى نــوف..!

(تقول أبغى نوف..!)
 
 
هي : ألو .. مرحبا .. !
 
أنا : نعم .. عفواً من تبغين .. ؟
 
هي : لا الظاهر غلطانه .. منك العذر يا ملقوف .. ؟
 
أنا : لا والله .. أنا أنسان رهوف .. و من طبعي أكرم الضيوف !
 
هي : واضح من ردك .. رد رهوف يكرم الضيوف .. !
 
أنا : لا يكثر الجدال .. من بغيتي .. !
 
هي : بغيت (نوف) .. ؟
 
أنا : لأجلك أصير نوف .. و أصير أي واحدٍ بالنسبة لك معروف .. ؟
 
هي : عيب .. تراك ذبحتني خوف .. !!
 
قلت : خلي الكحل .. يكفي ما بعيونك سواد ..
 
قالت : اتركني ما دريت .. انها (قلم) ..
 
و الكحل بعيوني (مداد) ..
 
قلت : أنتي و من مثلك ضلعٍ غدا فيه اعوجاج ..
 
أنتي و من مثلك مثل الزجاج ..
 
من يحمله يحتاط له .. يضيع لا صار ارتجاج .. ..
 
خلي الغزل .. و الترقيم .. نهايتك الزواج ..
 
و يا شينها يا بنت لا صرتي في بيتٍ شقي ..
 
لا صار لك زوجٍ غبي ..
 
كل يومٍ له مزاج ..
 
ديكٍ على مرباه غدا ..
 
يخشى منازلة (الدجاج) ..
 
في عصر القدامى .. يا كثر ما تشوفي الرجال ..
 
رجلٍ تعيبه مشيته ..
 
و رجلٍ تعيبه جلسته ..
 
و رجلٍ و الله و عزته .. تستخسرينه لا حكى ..
 
ودّك تصفقينه(بالنعال) .. !
 
يا بنت أنتي دموعك هماج ..
 
في عصر القدامى .. كانت مرابعهم خيام ..
 
النار عنوان الكرم ..
 
حتى ولو كانوا نيام ..
 
الضيف لامنه لفى .. ما كان للخيمه جدار ..
 
و لا للمحرم زرار ..
 
الضيف لا منه وقف .. حتى ولو غاب الرجال ..
 
ما ينهرونه ما يعتذرون ..
 
يهدونه أزكى طعام ..
 
قمت أقول وش أنا قاعد أقول .. !!!!
 
و في النهاية أقول ..
 
الضره في عهدٍ مضى .. نارٍ تأجج بالضمير
 
الغيرة من طبع النسا .. الله خلقها من زمان ..
 
حتى ولو زوجك ضرير ..
 
لكن تهون عن ما أشوف .. لما صار لك ضره معاك ..
 
غصباً على دارك وقوف .. دش و من حوله أسلاك ..
 
و الا جواز في معطفه .. دايم على العالم يطوف ..
 
و أنتي في دارك مثلما .. قصة قديمة ..
 
هو صحيح انه شراها من زمان ..
 
بس .. أعجبه عنوانها .. و نساها في أعلى الرفوف ..
 
جف الغدير .. عقب المزون ..
 
كل المشاعر ذابلة .. و المختلف في عصرنا ..
 
مثل الفواصل مهملة .. لا شك من طعن السيوف ..
 
هي : ..أوف معليش يا أخوي قلتلك غلطانة وربي .. !!
 
أنا : هههههه; بالله .. طيب كرري الاتصال .. بكره .. !!
 
هي : وين راح حكيك اللي قبل شوي .. ؟؟!!
 
أنا : لا تاخذين بكلام قلته في وقت مخطوف ..
 
المسألة مسألة (تشبيك).. ماهي مسألة حلف وحلوف ..!!
 
هي : طيب متى اتصل (بخجل) .. ؟
 
أنا : بكره .. بعد ما يصير قرص الشمس مثل رسم الردوف .. !
 
هي : مممممم .. طيب .. اتفقنا .. !
 
 
مع السلامة .. طوط .. طوط .. طوط .. !!
 
أنا : هذا اللي تقول ذابحها(( الخوف)) .. ؟!