تفضل يابعد عمر القصيد وثمرة اشعاري
تفضل دامني كلي اضيع بنظرت عيونك
تعبت اشتاقلك كلي وليتك بس بي داري
تعال اقلط تقهو الشوق وقدع حب مجنونك
تعال وعانق احساس الغرام وزحمة افكاري
ابيك بكل لهقه وشوق تاخذني الى كونك
واذالي جيت بتعذر بكثرها لك اعذاري
ابي مره تجيني بحب ومره بشوقي اخونك
وناظر رعشة اشفاهك وذوب وتشتعل ناري
وضمك ونتشلك بشوق الينه تمطر مزونك
وبيك بكل احساسك تركد ثورة اصراري
وغنيلك بعدعمري على هونك على هونك
اشوفك فالمدى نورٍ ليا من جيت لك ساري !
ليامن لاح براّق المواصل قلت ياعونك
تعال وعيش في نبضي ابي تسئل عن اخباري
ابيك انت الوحيد الي تخونن وارجع اصونك
وخونك وانت لي صاين واجيك واسكنك داري
ابي طعنات حبي فيك وابي اداوي طعونك
عرفت المسئله وشهي ابي اكسرك واداري
ابيك تخون احساسي وابي اداري شجونك
ابي كل البشر تدري بانه حبك اجباري
وابي ( صمت المشاعر) بي تغني لي على لحونك
ذبل غصن الحكي ولاكن تفضل ثمرة أشعاري
تفضل دآمني كلي أضيع بنظرت عيونك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.