الاهات والكتمان

اكتم أهاتي وأدور لك عذر
وأتصبر من جروحن نازفات

الهواء يا بنت ماهو للغدر
الهواء أحساس وإحساسه ثبات

مالتفت لبيض او حتى سمر
ولا نظرت لغير عينك بالبنات

صار حبك بالحشا نار وجمر
و صار همي وسط جوفي ما يبات

اتركي همي وغمي والكدر
ما أبي منك جروحن ثانيات

قد صبرت ومل من صبري الصبر
ما تفيدك رجعتك هالقلب مات

ماسمعت بفعلتك بين البشر
صار قلبك قاسين مثل الحصات

تذبحيني وتتركي دمي هدر
وراح حبي وانتثر وسط الشتات

شوف دولاب الليلي والعمر
والمواجع بالسنين الماضيات

من كبر ذنبك تراء جف الحبر
سيئة في سيئة في سيئات

ما ابيحك يوم حطوك بقبر
وكفنوك بثوب ولفوك بعبات

وما تفيد الناس لا جاك القدر
ولا يفيدك زين وجهك والشفات

عطرت منديلها بأحسن عطر
قالت الي فيه أوصيكم وصات

واكتبت لي فيه أكثر من سطر
مع دموع ودم وسطه نازفات

سلموه لنور عيني لا حضر
واتمنى له جميع الأمنيات

الغدر يابنب مالك فيه اجر
مثل من يزرع تراء برض فلآت

الجروح قصاص في يوم الحشر
عند ربي رب كل الكاينات