على طاري الوقفة يجي لك صدى وحضور
لو إنك يا بن هادي ما تحسب خسايرها
جملنا جملنا ما على الكايدات قصور
وجنبك سمين وشفّ متنك عسايرها
لك الله درينا قبل لا نكشف المستور
من اللي هدمها قبل يبني عمايرها
من اللي دعا للحج .. يا حجه المبرور
دعا للفريضة قبل يعرف شعايرها
لو ان النوايا ستر ما كان راعي الشور
يشبّ الفتايل لأجل يعمي بصايرها
اهو ما درى بانه على سعيه المشكور
وسيع البنايد ما التفت في سرايرها
ترى زلة المطلق لو ان ما هو بمعذور
مدامه لفانا ما ندور ثوايرها
وحبل الوفا طايل.. وحبل الردى مقصور
وهذي صغايرها .. وهذي كبايرها
لكن من يظن ان له على النايفات قصور
يشوف الرجال تجرّعه من مرايرها!!
(ترى ذا كلام الصدق وان كان تبغى الشور
وتنبيك عن طول التجارب قصايرها)
رفيقي .. وابن عمي.. ليا جا عليك الدور
ليا شانت الدنيا .. وشانت دوايرها
فلك درعك الضافي.. وله رمحه المكسور
ولك ترجي العذرا وتلقى بشايرها
ما يشمت بنا الحاسد ويفرح بنا المثبور
ترى عيشة الذلة مانعرف نسايرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.