هيه يالمسترجله..!

لـ صالح بن عمار، 04/08/11 02:49:50 AM، في غير مُحدد

هيه يالمسترجله..! - صالح بن عمار

هاجسي يا هاجسي خلك صبور.
السطور دروب والحبر السفير.

يازمن ون كان لك رحلة عبور.
نية الخفاق.! رخصه للمسير.

القضيه تفجع الرجل الغيور.
والرساله شعر وحروفي عبير.

مهنة التعليم تُقبر فالصدور.
مَيّتَه والخافي اعظم لو يصير.

منبع الإحساس مغويه الشعور.
وان سلا الخاطر تذكرت المرير.

راحت الحشمه على نوره ونور.
وبايع الاعراض منبوذ المصير.

اللقب بويه ومنهجها السفور.
شي محزن.! في مدارسنا نذير.

ظاهره حامت كما جول الطيور.
الوضع باالعقل يالهاجس خطير.

نمّصَت ثم قمّصَت صارت جهور.
مارضت في خِلقة الوالي القدير.

حلّقَت واسترّجَلت بين الحضور.
والفحول فحول ومنيره منير.

كَنّ شين التربيه حَب ٍ ف/بُور.
يحرقه ملح ٍ تلحّف بالهجير.

لو بحثنا عن بلانا في سطور.
السبب هرمون وافلام ٍ تثير.

التهاون ذيب في سور ٍ و دُور.
الشرف غالي على قلب وضمير.

الأبو والأم في غفلة قصور.
والرعيه ماشيه درب السعير.

المدارس من نشاط ليا فتور.
لا عقاب ولا حساب ولا نظير.

المديره من تديره في حدور.
والعلامه واضحه كبر البعير.

هيه يالمسترجله نصحي يزور.
العتام اللي سكن عين الضرير.

انتي الأنثى تباشير السرور.
والمقام اللي بعيني لك كبير.

الخطآ وارد ولك رب ٍ غفور.
والحكيم اللي ملك قلب ٍ بصير.

اذكري موتك قبل فعل الفجور.
واذكري رب ٍ حسابه لك عسير.

لا نفخ بالصور ثم نبتت بذور.
من يجيرك لابغيتي لك مجير.

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.