قصيدة في ناصرمياح الوهبي
المدح ماهو لكل واحد نقوله
المدح للي تفعل الطيب يمناه
لاجاء عريب الجد واتجيه خوله
يعني عسل على سمن لاعدمناه
اسلم وسلمني على ابن الحموله
اللي الياعدوا هل الطيب قلناه
ناصر ابن مياح ماطيب افعوله
انشهد انه يملك الطيب والجاه
لو كنت انا بدوله وناصر بدوله
البعد مانسا اربوعٍ تمناه
يااللي مشيت الطيب عرضه وطوله
الطيب يورثبه على ساس منشاه
سلام ٍازكى من براة الطفوله
واشد واثقل من سحاباًنثر ماه
واطيب من العنبر ومسكاًابتوله
وريح النفل يوم النسايم تمثناه
ياصاحبي والعام يدور حوله
سير مدام البعد قشراء سواياه
تراك غالي والليالي عجوله
الوقت مايمشي على كل مشهاه
وانته من ارجال الوفاء والبطوله
تاريخكم كلاًمن الناس يقراه
ابوك كساب الكرم والرجوله
راع الكرم يوم الخطاطير تنصاه
واجل ماجدك لاغزا في ذلوله
عدى عليها محقبه والمسناه
وجاب الزبيره والجميع اشهدوله
عقيد ربعه والاجانيب تخشاه
وعشبان باالميقاف يوم احسبوله
عجز قبيله يوم فعله بشلفاه
والنشده اللي من خبيث معسوله
عنز على جده وساسه ومبداه
يازين قوله كل ماقول قوله
ياسعد من نجلس على جال مركاه
وابا السموحه والقوافي خجوله
حيث انكم اكبر من الشعر وغناه
غازي رويعي الحربي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.