انا اشهد إنك ب ليله
أسرت ب نظرة عيونك
فضاءات انت عامرها
تدوّرها
وتكوّرها
وتتزحزح عن الأقمار
كواكبها
وتتلفلف على نجمك
وتتلاحق
تبي تلحق بعد نجمك
بعد نجمك
وذي نجمه
بعد نجمه
.
.
.
يخي مقدر
نجومك غييير
.
.
.
إذا ما تطرد الباقي
وتخلّيني
واذا ما تشرد ب نورك
وتضويني
واذا ما تلتفت صوبي
وتحويني
قسم بالله ما حبّك
!
تبي حبّي؟
تبي قلبي؟
تبي قربي؟
.
.
.
نجومي غييير
يخي تقدر
.
.
.
تخلّيهم على كيفي
بعيد اهناااك يبغونك
وانا ل حالي
أجي يمّك
وأقهرهم
واحطّم كل كواكبهم
وانا القمره
وحولي طارت نجومك
.
.
.
.
قسم بالله أنا أحبّك
!
مساحات الفضا تشهد
على حبّي
مسارات ف مجرّتنا
بعد تشهد
على حبّي
وألوان السما تشهد
على حبّي
وومضات الشهب تشهد
على حبّي
ورحلات ال نا
بعد تشهد
على حبّي
وليلات السهر تشهد
على حبّي
ولحظات السحر تشهد
على حبّي
.
.
.
خلاص الحين أنا ملكك
تسويني على كيفك
و
تسوي بي على كيفك
.
وتضويني
.
وتكويني
.
وتحويني
.
وتغويني
.
وتتحرّى بدر عمري
يعلّ انجومك اتضوّي
وكل ما زادت أنواري
تزيد ابها
وتسلبها
وتنهبها
حلالك لنّك الأجمل
يخي مقدر
نجومك غييير !
.
.
.
وصدّقني
نجومي غير !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.