الثعابين

لو يصدق الكذاب .. مايصدق اثنين !
. . . صبر الحزين .. وشخص يبغى عطيه!

ولو يكذب الصديّق .. بالضاد والسين !
. . . مايكذب .. فراق الحبايب .. وكيه !

ولو يجتمع .. بعيون .. هالناس .. ضدين !
. . . مايجتمع بالحب .. حسنه وسيه !

ماتفرق ان جاتك ورود و سكاكين ..
. . . الفرق .. في من جابلك هالهديه !

ولاتتخذ .. لجروح قلبك .. معاوين !
. . . الا الصديق .. اللي له المقدريه

الصحب في ليل المعاناه .. نوعين !
. . . واحد سندك وواحد(ن) لك بليه

شخص(ن) همومك .. في خفوقه ترى دين
. . .وشخص لحطب همك تقل نار حيه

لو يبتسم لك ذو .. القساوه وذو اللين !
. . . راجع .. حساباتك .. شويه شويه !

لاتحسب ان من لهث بعض الثعابين !
. . . عطشى وتبغى منك ياشيخ ميه !

والدمعه اللي حدرت .. من ثرى العين !
. . . لو هي على غالي بقول الثريه !

لكنها طاحت ..ع اللي بوجهين !
. . . ويوم انكشفلي.. كان غالي عليه !

ياعين .. يومك .. تشتكين وتلومين !
. . . وخدودي منّك كل ليله نديه !

لونك زرعتيه الوفا في البساتين !
. . . محصولي منه التجربه .. والخطيه !

قوليلها ياعين .. يام المزايين !
. . . ياللي بكرم ..جرحي انا حاتميه !

صبحية الاعياد في عين مسكين !
. . . مع شح جيب .. وجمعة اهل(ن) هنيه !

اجمل .. من اصحاب الغنا والملايين !
. . . في حظرة ارباب الفلوس .. الرديه !

والجرح اوّل / كان جرحك ب جرحين !
. . . واليوم / جرح الغير وجرحك سويه !

هذا جنا يدك .. من اللي تسوين !
. . . حطيت لك كلي على راحتيه !

سلمتك قليبي على حد سكين !
. . . شقي خفوقي ثم شوفي خفيه !

شوفي مكانك بين ذيك الشرايين !
. . . شريان يضويلك وشريان فيه !

كنتى مرام القلب .. والروح والعين
. . . يم الورد الحمر وام الشفيه

واليوم قلبي من سبايبك قسمين !
. . . قسمن يبيك وقسم .. ماهوب ليه !

روحي كفاني من فعايلك تكفين
روحي .. فمان الله رب البريه

قبلك مامت وماني بميت الحين
دام المنيه بيد رب المنيه