سلام ياربعي وانا مبعد الدار
من دونكم بعد المسافات حالن
من الحفر مشيت ماجيتكم مار
رغم الضروف اللي على البال حالن
ورغم ورغم مافيه صده ومعذار
لاني كذا وضروف الايام عالن
سلام ٍ احلى من لبن در الابكار
برض قفر مع الضبيه تفالن
في خايعاً غطى على العشب نوار
والمزن باالمنشاء بروقه تلالن
ساقه هبوبٍ لاهو بارد ولاحار
ايداعب اغصانٍ من الشوق مالن
ياربعنا مافرقت غير الاقدار
قلنا وقلنا بس الايام قالن
نطرد وراء الارزاق والبال محتار
صالت ليالينا والايام صالن
اسامر الذكرى مثل واهج النار
وهموم قلبي في ضميري تتالن
احيان اقول الصبر شيمه وصبار
واصبراليامن الهواجيس شالن
وحيان اقول الصبر معاد له كار
امل صبراًفيه الايام طالن
ياحسين سقنا الرجل شيمه ومقدار
نالا الليالي قبل ياحسين يالن
جينا القصيم وفيه ربعاً لنا اكثار
هم عزوتي كان الاسامي تعالن
شاعر وافاخر كل ماشفت شعار
حتى بيوتي من غلاهم تغالن
ايه الوهوب اللي مثل ضلع سنجار
يبقى بعزه والليالي توالن
حنا الوهوب ان كان عج الرمك ثار
اسيوفنا برقاب الاعدا تسالن
حنا الياعدوا عن الضيف والجار
افعولنا مثل الكواكب تحالن
وكل القبايل فيهم ارجال وخيار
حظي بري ماقلت لالاولالن
الشاعر غازي الرويعي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.