بين الشفيّه والشفيّه قضيه !
... اليا اسكتت ! فرواله تلقح التوت !
ومن بينهم منتوج نحل ..وخليه !
... حراسها / ياقوت ياقوت ياقوت !
مورد الخدين / صبح / ونقيه !
... ولشعرها ليل المحبيين منعووت !
ضاعت علومي يومه اقبل عليه !
... وطاحت من اعزومي ومن باسي كروت
استقوي / والعن حظوظي الرديه !!
... ماطيحتني .. الا بمخلاب طاغوت !
جاهدت نفسي .. عن مداخيل غيّه !
... وصرت مثل مطوع بوسط بيروت !
كل مايغض الطرف .. جاته بنيه !
... عمو شوبك مشحوب / مابدك تفوت ؟!
صورته في وسط العيون النديه !
... ماكنه الا داخل العين منحوووت !
متفرعن بالحسن ما فيه زيه !
... بحر الحسن لاكان للغانيه يخوت !
حتى رواة الحسن راوين ريه !
... نكس عقول الناس وطاحت له بشوت !
نهده / ونهده .. مثل من به حميه !
... الردف ثيّب والخصر شخص سربوت !
بين الثنايا / طاغيه هتلريه !
... مع فلسفة سقراط ..والغاز عنخ توت !
تشوف بعيونه .. شموخ الثريه !
... وبحكيها .. شاعر معلق ومبهوت !
خطواتها .. تهز الصدور القويه !
... ومن خلفها للناس / قبر(ن) وتابوت !
من شافها .. بالعين / جته البليه !
... وحده من الثنتين يايموت يايموت !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.