جعْل موتٍّ ابتلع نصف البشر ما يبْلعك
يا الحبيبه دونك الدنيا وانا نصر وهلال
كانك تحبي تعرْفي وينه اصبح موقعك
هو غدى في الشمس والا باقيٍ تحت الظلال
فاسمعي مني وشوفي ويش يقول مولّعك
اذعني لي وارخي اذنك .. واحفظيه اللي يقال
كانك انتي طويق والله ثمّ والله لاطْلعك
لو على ظهري حمولٍ تقْصم ظهور الرجال
كانك انتي نبتة الحنظل وربي ماقْلعك
دامي اسقيتك بدمي فانتي اطعم برتقال
كانك انتي في الحنايا جرح والله ماجْزعك
دامني معشوق لك فانتي لي اروع من خيال
كانك انتي بايت اللقمة وربي ماشْبعك
لآكلك .. وان ربّطوا يمناي اكلتك بالشمال
كانك انتي شَعرٍ ابيض فانبتي واانا اصْلعك
وابشري بالمشط... والامواس ماتت إغتيال
كانك انتي ضرسٍ اسود والله اني ماخْلعك
لو دمَرتي منظر الأسنان تشويهك جمال
خافقي قصرك.. وكلّ اللي بقى بي اقلُعك
وديرتك بين الضلوع .. وليرتك بمْية ريال
من بَهام الرجل حتى قذلتك معْ أضلعك
اعْشقك عشقٍ بْدويٍ للفيافي والرمال
هذا جزءٍ من مقامك في خقوق اللي معك
بسّ لي واحد طلب يالغالية.. إلاّ سؤال
ليه دايم تفْجعيني يالحبيبة بدْلعك؟؟
اذكري ربك وسمي واتركي عنك الهبال
جعل موتٍ يبَلْعك جا..بك يغصّ ويدْلعك
وابْلعك يا عمري اانا لقمةٍ جت بالحلال
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.