مـعـشـوقـتي. لـ عبدالله السحمان

روحي على معشوقتي تسوقني سوق

مهضوم حقي ورحت ادوّر على حق

قلبي على جمر الهوى صار محروق

من ريقها ياناس ليت اتمرق

اسألها واطلبها عشق(ن) مع شوق

من حبها حسيت قلبي تمزق

طعم الكلام الزين ذوقتها ذوق

احلى الكلام الزين من يسمعه خق

ومن القصيد العذب لبستها طوق

مشكلتي اني عاشق(ن) حلو(ن) اطرق

خلت يساري يمين واللي تحت فوق

واللي شمالي جنوب ومغرّبي شرق

لا تقارن المبسوط مع اللي مخنوق

فر ق(ن) كبير(ن) بينهم مكبر الفرق

بنت الدلال مطنشه وقليبي مزنوق

اذا قصيدي ما اعجبك هذي بحق

قولي لي آمر بس وش هي من حقوق؟

قولي لي بس ابشر بالحق ومايلحق

اقول لك حبك ترى فيني مخلوق

يعني أبي قربك يا زينة الخلق

عبدالله محمد السحمان

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مـعـشـوقـتي