هذه قصيدة الجوهري :
البارحه كني على القلب مطعون
والعين حاربها لذيذ الرقادي
قالو علامك قلت ماني بمأمون
انسى الحيا واقوم اهيبل وانادي
انا اشهد انه اقشرالحظ مغبون
الليّّ تعنى مع بنات البوادي
لعل لبلاد الحيا مايشدون
دايم ضعين وكل ليله بوادي
يارب عجل بالفرج قبل يقفون
وبرحمتك غيث الوطن والعبادي
ورديت عليه بهذه القصيده:
لاباس يا شاكي من البيض مزيون
باالوصف اكيد يفوق ظبي الحمادي
دعاك تسمر والخلايق ينامون
مع كل نجمٍ لآخر الليل بادي
شكواك منها ضاق بي واسع الكون
وبيوت شعرك حركن الفؤادي
قريتها مع رجل لعل مايهون
ابو غلاء ووضعه معي غير عادي
صاحب عليه امون وايضا هو يمون
بيني وبينه صار ملحٍ وزادي
وانتم رجاجيل وعلينا تعزون
وعلومنا مع بعض ماهي جدادي
والله ماالومك وانت مغرم ومفتون
لوكان شفتك تايه الدرب غادي
الليّ يقول الود راعيه مجنون
والليّ يقول الود راعيه هادي
اكيد جاهل ما عرف للهوى لون
ماجربه في قيض والا برادي
ولو كان لهل الحب خطه وقانون
ياالجوهري هذا هواك ومرادي
مير الهوى ما يرحم الليّ يحنون
ولايفرق في بياض وسوادي
هذا وانا لك اخ والعلم مضمون
بيني وبينك يا محمد وكادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.