العمــر ســـاعه ..!!. لـ خالد النبهان الشمري

العمر سآعه خلها دوم طاعه ..

دام الليالي بين راضي ومغبون ..

ياكم واحد بين ربع وجماعه ..

واليوم جسمه في ثراء الارض مدفون ..

تعال نحسب كم ساعه وساعه ..

بين المعاصي صرت مذنب ومسجون ..

أغنم زمانك واشتري لك بضاعه ..

تفوز فيها والعرب لو يقولون ..

توبه نصوحه جعل تلقا شفاعه ..

وسجده لربك بالضحي لين يمسون ..

هذا طموح القلب هذا متاعه ..

والكل منا راعي افكار وعيون ..

هذي تجاره ناجحه من قناعه ..

والفوز فيها يا ابيض الوجه مضمون ..

وقل للمعاصي منك عندي مناعه ..

ماني من الي فعلهم دون في دون ..

هذي شجاعه كان تبغا شجاعه ..

أصمل وغيرك خلهم لو يروحون ..

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

العمــر ســـاعه ..!!