همسات (3) - حميد المخلوق
الهَمْ عَلى صدر البَشَرْ كومْ مِنْ غَمْواليومْ توّه بالصُبُحْ .. مَا تكمَّلْكَمْ صارْ يحتاج البَشَرْ للدَّمِعْ كِمْيمسَحْ بِهْ الدَمْعَهْ إذا مَا تِحمَّلْ**************ودّي أجيلِكْ واسْهَرِكْ لينْ أتْعِبْكْوآنه بُقُرْبكْ يالحَلا نَاسِي الوَقتْوَاْعْصُرْهْ جِسْمَكْ وآخِذِكْ كاسْ وَاْشْرَبْكْواعطيك مني لو من البارِحَهْ ذِقْتْناويْ أسَابُقْ خَافِقِكْ شُوقْ وَأغْلِبْكْواليُومْ جيْتكْ ناوِي العِشْقْ واعْشِقْتْ**************يوم دقيتين فيني تيلفونطاح قلبي والأيادي يرجفونقِلتْ مدري أضغط ال(yes) بجنونوِلَّه اتغاضى بعيوني والجفونصار شوقي اسمع الصوت الحنونقِلت ماردك بشيله في غضونذِبتْ يوم اني سمعته بالأذونضاع من جسمي حواسي والفنون**************لا طارْ عَقْلي .. عارُفْ اليومْ ألقاهْوالعينْ أدري ما تِجِيْ لينْ لاقَتْهْالعَقْلْ خَايفْ بَسْ يِجِيْ يومْ وانساهْوالعينْ لو بَسْ شَافِتَهْ گَانْ لامَتْهْ**************العيد يحلى لين الأحباب هنّوكوالعيد من دون المحبّين مو عيدالثوب والغترة وُلعقالْ والبوكهذي أهم أشياء تحتاج تجديدومحلاه موقف لين الأطفال جرّوكشافوك راعي للدنانير واتفيد**************لاتِخلّي دُمُوعُكْ تِسْتَعيرْ الكُمُومْيِعْلِنِ انّه عُيُونُكْ مِنْ جِفَاهْ اْسْرَحَتْلاتِنَزّلْ مَقَامُكْ .. اتّصِفْ بالكِتُومْالمَشَاكِلْ تِحَلّتْ بالصَبُرْ وانْجَحَتْ**************احفظ لسانگ إذا تِشْتِمْواجْعَلْهْ شامخ مِثِلْ الصروحهذي رساله عسى تفهملِلْسَانْ حُفْظَهْ يغذّي الروحْ**************مَادَامْ عَادِيْ تَاخِذْ القَلْبْ عِنْدُكْخِذْنِيْ أنَا كِلّيْ وُريّحْ لِيْ البَالْمِشْتَاقْ خدّي يِلْمَسْ اليومْ خدّكْوارْتَاحْ مِنْ هَمّي وَدَلّعْكْ بِهْبَالْ**************لو بإيدي كَانْ في حُضْنَه بِقيْتْما تَرَكْتْ البُعدْ يوقَفْ بِيْنِنَاوالقَدَرْ لو يِنْشَرى مِنّه شَريْتْو ..**************ماهقيت المشاعر بين لحظة تروحيوم جينا نبادل حبّنا غادرتما تبقى بقربي غير دمعه ونوحتحلم اليوم أرجع لين ما بادرت**************ضايق ن حالي و تفكيري بعيدالأماني كنّها وجه السرابالقدر ودّي يخليني سعيدواترك اللي راح من ضحكه خراب !**************مأجور ياللي حامْل ٍ كُتْبْ وأقلاموالله يعينك بالصّبُحْ وانت قايمولّا الإجازة استوت طيف وأحلامواليوم فكرك بالحصص صار هايمطلّاب لكن مو على العِلْمْ هيّامطلّاب فسحة قابْله اتكونْ دايمهمكم يكون الشرح في درب الافلامولا بالاستيعاب البال نايم**************الوصل الأغصان .. وثنينه طيوروالمشاعر ريح منبعها الشمالوالوله والشوق خصلات الزهوروالزعل موسم شعر نقص الدلال**************الزّعَلْ يوم ان بَغيتَه جيتْ في دَرْبَه وْخُطيْتْما تعمدّت الزّعَلْ .. بس كنتْ مِحْتاجَ الدَلالْما لِقيت الا عِنادَهْ جانْ مَقْهور ٍ بِكيْتْوالدَلال اللي بُغيْتَه بينْ أفْعَاله محَالْ**************مرهق أنا .. في زحمة الضيقْ هآيموالصَبْرْ كنّه ما بقى مِنْهْ باقيالفُكْرْ صاير في سَما الوَهْمْ غآيموالقلبْ جآفي من بعد كانْ سآقي**************ساعات ذكرانه يبكّي عيونيوساعات أضحك لو يجي وقت طاريهوساعات دمعي غارق ٍ في جفونيوساعات اتذكّر أواخر لياليهوالله مدري تارك ٍ لي جنونيولا أنا جنيت من زود مغليه !**************الخيل يصهل .. من ركبتين فوقهوعيناه صوبش ,, من حلا الشوف تعبآنشوفيه كيف انه خفوقه يسوقهوشوفي ميوله لا ركض صار طربآنمعذور قلبي لا سمعتي خفوقهتدرين بغيابش أنا فيش ولهآنالقلب بغيابش يداوي حروقهوالقلب قربش موج تاليه طوفآن**************الاصحاب فيهم من يداري ظروفكوالبعض منهم للمهالك يودّيكصاحب يدافع في بداية صفوفكوصاحب تشوفه وقت ضيقك يخليكصاحب يخفف عنك في وقت خوفكوصاحب يزيد الزيت في نار تغليكبعض ٍ يصون اسرار من جوف جوفكومشان شوفك والعلاقات يشريكواصحاب من ياخذ مراده يعوفكولو قال بأولها - أنا ليك وافديك -**************الطيبه اللي يرتويها فضيلهماضن أحد قدره حياته بها طيبوليا بغيت الطيب ظله وسيلهاجلس على ظلّه وَمِلِّه تراحيبابطي على ظلّه من الشوق ليلهوسهر وَ صَوْبَهْ خاطِري خيرْ تصويب**************لا يحسب ان الصمت فيني ,, هزيمهولايحسب اني في كلامي أهنّيهصمتي مثابة سَهْمْ في وسْطْ عينهوبكلمتي قصدي أجامل و أجاريهصمتي وكلامي ريح واهوه السفينهألعب على كيفي على وقت ما بيه**************هي عَنيده بس ذرابتها كَفووالخُطوط ابوصْلها مِتْشابْكهوقت تغضب التسامح والعَفودربَها .. ما هو تجي مِتْعارْكه**************ضيقتي صعبة يداويها طبيبضيقتي ماهي مرض تبغي دوايالحزن بلواي والتاريخ شيبوالقدر محتوم ,, مايبغي شفايياإلهي إنتْ للداعي مُجيبالدعاء اللي يحقق لي مناي**************الشُعْرْ ما عُمْره تَواجَد بليّاكوالشُعرْ بيتي وانتْ منّك زيارهلا هِنتْ ياللي ماخذ الشُعْرْ ويّاكارفق مَعه أسمي وُ شيل العَيارهخلّك جَديرْ الذِكْرْ والذِكْرْ يسْواكوْخَل الشُعُرْ يرقى بِوسْط الحَضاره**************لو ضيقِتي في وَسْطْ صَخْرة بَكَتْ !!وتحوّلتْ ما بينْ لحْظة - رِمَآلْ -ولو هي بَشَر غصْبا ً عَليْها حَكَتْ !صعب ٍ عليها .. تكتم اللي محآل !ولو عاشَت اللي داخٍلي مَضْحِكَتْبتكونْ عاشَتْ عمْرَها في - خَيآلْ -ضاقَتْ صُدورْ الناسْ واتصكّكَتْمن يوم شافوا دمعتي في انفصال !!**************ياللي ظروفك دوم منسدّهوالمخرج اللي يخرجك – مالي –وحساب بنكك صار له مدّهما جيتْ له نقدي ولا خاليالله يعينك يوم بتعدّهلا فيه اشويه ولا غاليوالواحِدِ الْلِي بالمِثِلْ وِدّهجَيْبَه ينافس دايِمِ العاليواللّه هُوَ الرزّاق بالشدّهتِدْعيهْ ,, تِلْقى الجيبْ مِنْهالي**************لا تِفَكْري طَريْتك يومْ رحْتي زَعَلللأسَف كِنْتْ عادي ماعَطيْتك خَبَرقلتْ لكْ يومْ رحْتي كِلْمِتي بالفِعِللكِن اليومْ ضعْتي رُغْمْ كِثْرِ العِبَر**************لا تخلي دموعك تستعير الكموماعلن انه عيونك من جفاه اسرحتلا تنزل مقامك .. اتصف بالكتومالمشاكل تحلت بالصبر وانجحت**************ياللي تشوف الناس من ذوق عينكقلي حبيبي وش تشوف بصفاتك ؟لا قلتْ لي طيّب و تعطي يمينكعارف تقول العكْسْ .. هذي سواتكالله يشوفك وانتْ تحلف بدينكوالله كفيل ٍ فيك كامل حياتكالطُبْعْ يبقى لك هداية سفينكأو تغرق بطبعك و تلقى مماتكاو تحْتُرم ناسك كِثُرْ والْدينكواتشوفْ طُبْعك ماسْح ٍ سيّئاتك**************وش لك يَمِدْوي الراسْ بزْعاجْ واحْجاجواتعيش فوضى لا تْودّي و لا اجّيبدام بْصِفاتك تعشق اسلوبْ الازعاجاتحمّل اسلوبك ترى الناسْ بتشيب !ماهي بْ فوضى تستوي الناسْ معْراجو لاتحسب انّك بالبَشَر عالِم الغيبحاول تداوي نفسك الشينْ بافراجواتقارن اسلوبك إذا كان مو عيب !**************تدري وش اللي في معاناتك يهونلاشفت غيرك في مصايب هالْكههذا يخفف عنْكْ مرْحَلْةِ الْجنونولو كنت في كومة مشاكل شايْكهيمكن تشوف الناس ما يتسائلونلمّا تصير بْطُرْقْ ما هي سالْكهلكن تقدّمهم ,, يعون أو لا يعونواسكب دعائك في ليالي حالْكهالله يداري من لِوجْهَه يسْجدونوالنّاس قربه بالعمل متبارْكه**************القلبْ ثلجة .. وانتْ للقلْبْ برّادداخل خفوقك طول يومي شتاوي !مابيه صيفي دامه الصيف الابعادويذوب قلب ٍ غير لاقي مداوي**************إعلان للي ما بعد جرّب الحب !اسلك طريقه من تحس بقناعهفيه الوصل والشوق واحساسك العذْبْوفيه الغدر لا صار جافي طباعهجرّب عسى تفلح وتجتاز هالدربونشوف عرسك طالْع ٍ في الإذاعه**************مبروك يا صاحب جهاز البي بييوم ان ترد لك خِدْمِتك ما ضنّيتمتْعَوّد ٍ تسهر على القروبياو و !**************جيتگ وطن بين المشاعر و جيتگمثل السفينه فوق متني سوالفباخبّرگ عنّي ليا من طريتگوبشحن خفوقگ مايجيب التحالفهذا أنا الولهان لتراب بيتگردّيتْ لگ وافي ولاني مْخالف**************بليز لا ترحل بدوني ,, ترجّيتخذني معك من دونك القلبْ تايردآيم هبي وذ يو ياْ منوّر البيتيو واز ترعاني ,, عسى ليش فايرد ؟!كنت الحبيب اللي بهالعين اقريتوكنت الذي في وسط هالقلب شيفردغاب الفرح توداي ,, يو هيت يو هيتوشلون تكرهني وانا ليكْ كافرد**************جوْنا أظن يحتاج معطف وجاكيتشفت الهوا بآرد و ثاير شمالهأصعد لجل تشعر على آخر البيتبالريح وشلون اختلف في جماله**************وحشه لكم .. ياحلى بشر .. تشرح صدريومين واحشني الشعر .. واحلى الكلامتدروون في نومي عن أحوالي البدريسأل ويقول شفيك ماترد السلام !قلت بخفوقي أبعدنا القدريومين .. وعيوني لجلهم ما تنام**************ضحْكِتك سفرة على بيض السَحابْذوووووق يا بو الذوق ضحكاتك عَسَللو يشوف الصخْرْ ضحْكك كانْ ذابْوبْصِفاته من جوفه الكَسَل**************عند العرب الإسلام ,, واسلامهم طيبوالطيب عند الناس دلّه و صبّهوالحمْدْ إنّي من عَرَبْ تعرف العيبشيمة عرب ورجال عند المهبّهنسبق سلام الناس عند التراحيبوترحيبنا لا صار حآمي نحبّهاصغيرنا و كبيرنا حامل الشيبمجبور يوصل لك على شآنْ حبّه**************ما غاب من شارگ حياتگ وداراگولو راح مسلوب القَدَرْ والإرادةولو مات يبقى يتبعگ في محيّاگويبقى شريطه غارق ٍ في الإعادةيرجع يجدد قصته .. وقتْ يبغاگويصير في دربگ شريگ السيادةبيشارْگگ بالرايْ ويْمجّد ارْضاگويطنّش اللي ما يجيب الإفادةيزعل عليگ بيوم ما تگْثُر احگاگويرضى عليگ بيوم تقْبَل عِنادة**************البنْتْ حَلوى .. والغطآ سِتْرْ و حجابوالبنْتْ دون حجاب يرخص قَدُرْهامو بس حجاب البنت .. حجاب و ثياباللي يحليها .. طريقة سترهاالستْرْ في له باب والرُخْصْ له بابو باب الستر للبنتْ يجني ثمرهابنت ٍ تحب السِتْرْ في ديرة اغرابوبنت ٍ تبيع احجابها وسْطْ أهلها**************لا تعاتبني على نوم ٍ قليليا كثير النوم .. ما عندك ضميردوم تجرح خاطري بالليل .. حيلالبقآ ويّاك .. ما ضنّي بصيرشوف عيني انتْ في عيني ذليلمو مثل أوّل .. مثل ما كنتْ غير**************عندي مثل ما عنْدْ غيري و غيركوعندك مثل غيرك وغيري و عندييعني عشان اتعيش صافي ضميركخلك مكاني فيك جرحي و طرديطرد ٍ رسلته فيه حبّ ٍ بديركوجرح ٍ رسمته وسْطْ قلبه "حمندي"**************اللي جثآ بيني وبينه مسافاتوالرّيح عيّت تاخذ العين للعينخوفي يفوت الفوت والفوت لا فاتتظهر جروح ٍ كاتمنها من سنين**************ولا خير يعني ,, سارق القلب \ والشوق !والروح \ و أقلامي \ و عيني \ و صبْريرغم الحلآ \ و الزين \ واطباعه الذوقمآ شفت راحمْني على صُغْرْ عمْريأبغيه يا عالم .. تجافيه لي عوقوليا متى يفهم شعوري \ و حبري !**************ماخْذٍ قلبي وعيني من حَلاهْولو درى عنّي خذاني له حبيبصار يكبر داخْلي واكبر مَعاهْلينْ صار البُعْدْ في عيني قريبيا حلاته يا جراته .. يا غَلاهْوقْتْ أمرض أقصده لنّه طبيبفي حيآتي ما خذوا قلبي سِوَاهْوقْتَ أشوفه ما أَحِسْ بأنّه غريب**************شِفْتَه \ عَجَبْنِي \ ماآ بَقَى غِيْرِ الوِصَاآليبَآقِي أجِيبَه جَنْبْ قَلْبِي \ و غَلْفَهْوآقولْ له : يَاآ زينْ \ وصْلُكْ مُحاآليوالصُدْفَه اللي بينَنَا \ مو بْصِدْفَهقَلْبِي صَبَر \ لكِنْ نَقَصْه احْتِمَاآليوالحُبْ لَجِلْ شَخْص ٍ \ بيحتاآج كُلْفَههذا هُوَ الواقُعْ \ وُهَذآ مَنَاآليبردآنْ \ وأبغي يوصَلِ القلْبْ ودْفَه**************فزيت من حلم ٍ من أصله عقيمولو كان حُلْو ٍ ,, ما يجيب الفَرَحياما حلمت إنّي مَعَه فوقْ غيموتالي أفز والجُرْحْ فوق الجُرُح !وليا أبي أفرح \ أجي للقديمواتذكّر أحلى أيام وقت المَرَحأيّام مامرّت بلحظات ضيمأيّام تجرحها \ ولا تُنْجُرُح**************ياهيه ماتدري ! ترى الشوقْ قتّالوالشوق ذابحني بِسبّتْكْ يا هيهتوفيهْ قلبي لو يعلّمْكْ بالحال؟ولّا خفوقك ما بقى قَلْبْ يوفيهتدري لو أن القلْبْ جآفي ومحتالحاربْتْ شوقي داخِل القلْبْ وادْمِيه**************خفيتْ حبّي في ضلوعي وتماديتوأدري الخفايا يتعب الناسْ مُرْهآ"شهرينْ" قلبي بالملاقاة \ كبريتواخفي حروقي تحْتْ ضُحْكَه تِسُرْهآماتدري انّي من حَلا الوَجْهْ جنّيتولا تدري انّي غارْق ٍ في بَحُرهاأبغي أخبّرهآ عَن القَلْبْ .. ياريتتتقبّله \ و اتقبّل اللي عُذُرْها**************قلت ابحث بإسم(ن) قريب(ن) لاسمهايالله عسى ألقااااااه ,, ماااا طقت لبعادولا اشووف احسااااااااااابها واعمل إلهاإعجاااااااااب في قلبي وطرش لها آآآآد**************ودّي أجيلِكْ واسْهَرِكْ لينْ أتْعِبْكْوآنه بُقُرْبكْ يالحَلا نَاسِي الوَقتْوَاْعْصُرْهْ جِسْمَكْ وآخِذِكْ كاسْ وَاْشْرَبْكْواعطيك مني لو من البارِحَهْ ذِقْتْناويْ أسَابُقْ خَافِقِكْ شُوقْ وَأغْلِبْكْواليُومْ جيْتكْ ناوِي العِشْقْ واعْشِقْتْ**************تدري خفوقي كيف لا صار وياك ؟وتدري وش اللي يالغلا جرّني ليك؟طبعك عسل / خلقك ملكني / و خلاكبعيون تعشق شوفتك / ما أساويك**************كنتين حلم(ن) ماخذ القلب والبالمن قبل مدري وش حقيقة مرامكحطيت لك كرسي و تاج ٍ مع مالفي قلب محروم الهنا باهتمامكأبطيت في حلمي واذا الحال مو حالاخترتي اللي كان حلمه هيامكالله يبارك لك حياتك ب لعيالماعاد ينفعني إذا القلب لامك**************بعيونك الحشمه / وأجاويد نسلكوِبْمَشْيِتِكْ .. وين الفضاوة .. بِتِمْشِينتمشين .. خطواتك على نار مَهْلكوالأرضْ تخجل لين فيها تِنُظْرينتمشين والدرب الذي دون مسلكما يسلكه قلبك ولا انتي تِسِلْكِينواللي بوقت الضيق عيّا يمد لكيدّه .. بشوفك راح إنتي تمدّين**************وش ذي العيون اللي لها العين تسرحوش ذا الحلا والزين يا مالك الزينلك كل خفوقي والشعر فيك يمرحياهيه ناظرني أبي العين بالعينلاصرت جنبي / خافقي قام يفرحوالروح تكتب والخفا فيه تلحين**************كلّن على ذوقه بيختار محبوبلا شافَه يْساويه...بالطبع و الذوقواللي لقيته ! فاآآآق في نوع الاسلوبمدري أنا من وين ؟! هالزين.....مخلوقلاجيت طبعه كآآآآآآآمل الشين مغلوب!من زووود مابات الحِسِنْ فيه... بشروقولاجيت ذوقه ! لو لبس عادِي الثوبيحلى عليه الثوب من....تَحْتْ لي فوق**************بخاطري شي(ن) بهالصدر مكبوتمن يوم شفتك يا كبييير الصفاتيودي اجيلك واصرخ بعالي الصوتوآقول ياغالي وجوووووودك حياتي
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.