على رأس السنه .. واقف بدون إدراك
ضحكت .. و كل ذكرى صاحت تناديك
و تذكرتك ، و ساقتني على ذكراك ..
طيوفٍ .. لا سليتك ، قآمت إتطرّيك !
و بعت العمر .. ل سنينٍ مضت ويآك
ولا بعت الحياه .. إلا وأنا / شاريك !
حبيبي والجروح اللي مضت / تفداك
طلبتك .. لا تخيّب من طموحه / فيك !!
أنا ف أهل الهوى وش خانتي ، لولاك
تعلمت ( الهوى كله ) .. على يدّيك !
يا كم حاولت في نسيانك ولا انساك ؟
أنا أشوفك سرابٍ .. تاه به ضاميك !
طلبتك ، لا تساومني .. على فرقاك
أنا لولا الغلا ، ما جيت لك .. ناصيك
معي قلبٍ تخبره ، ريعك و مفلاك ..
تذيّر به .. و من ( صدق الغلآ ) يعطيك
عن إدنى الدون .. كان يحنّك و يدْراك
و عن زيف المشاعر .. صدقه امغطيك
عطاك اللي سلف من عمره ، ب يمناك
و سجل ما بقى من دنيته لك / شيك !
وفا لك وإعشقك وأستوطنك وأعطاك ..
على كل الجوارح .. ( صك ب التمليك )
وعقب ما جاك به ، خلّيت من خلاك ..
يحاوطك إهتمامه .. و الكبر يعميك !
إذا طيشك على ليل الهجر .. سرّاك
عسى العام الجديد .. يجيبك ل مغليك
و إذا قصدك زعل .. كلّي فدا عيناك
تعال ، و خذ مطاليبك .. و ما يرضيك
و إذا لا هذي و هذي .. ترى ما جاك
عيون اللي تحسدك .. ل إهتمامي فيك !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.