ياللي تقول ان المهايط بقحطان
وترسل كلامن ماعرفنا معانيه
نكته قبيحه ماتمثل بشجعان
واللي بمثلك ماعليه المشاريه
عهد علي ان لخليك ندمان
واعلمك ماتجهله وانت غاويه
حنا قحطان وعلمنا طول الازمان
يبقى فخرنا واسمنا عند طاريه
حنا قحطان الطيب والطيب بستان
نقطف ثماره طيبات مجانيه
حنا قحطان وفعلنا صار نيشان
الرجل منا ينعرف من مباديه
حنا قحطان شيوخنا فعلهم بان
في ماضي الازمان والكل قاريه
الجار يلقى له تعامل بالاحسان
مثل المهادي مع مفرج يقاديه
اصبر عليه وشال حمله بالامتان
ماشدده بالكره صاير يداريه
والشيخ ابن هادي لذكراه طربان
فارس وشعره قوته في معانيه
ومناحي ابن الذيب شيخ وسلطان
راعي الكرم والجود والرب معطيه
وجراب ابن مستور علمه بالاوطان
فك القصاص لسبعة رقاب ياهيه
والشيخ شالح فارس عند فرسان
معه الفديع اللي المرض كان معميه
رد الغزاه وكان طايح ووتعبان
عسى الولي في جنة الخلد ياويه
هذي فعايلنا ولاني بغلطان
تاريخنا يحكي ولاني بحاكيه
ربوعنا في كل ديره لهم شان
الرجل منا بينات مواريه
خوينا لويطلب الروح مجان
يبشر بنا ماخيب الله هقاويه
منهو لفانا ماتركناه خسران
نوفي ونعطي وان نقص شيء نوفيه
ذكرت لك شيء يسيط بقحطان
ولااالكلام يطول ويطول تاليه
عساك تفهم بعض ماقيل يافلان
وعسى الخطا ماهو يطول تماديه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.