ياعرب لي هاجسِِ ضاع له تسعين ساق
كل ماقصيت جرتّه ضيعت الطريق
حد علمي فيه مايبتعد حول النطاق
لو يضيق الكون صدره شمالي ما يضيق
في وصوفه ملتحي شاحب اللون ودقاق
ملتزم وايطق باصبع على الامر المعيق
ناس قالوا لاح زوله على حد العراق
وناس قالوا جاور الورق في قمة طويق
منصدم من عقب ما بعثر الوصل الفراق
مثل عود ِ فالعنايه زفيره ك الشهيق
عقب حول الذود والهيل من شمه يذاق
وسط غرفه ريحة البنج تجلب كل ضيق
ايتلفت وايتحرى على قبره يساق
دمعته زرقا وموقه من العفه غريق
سّبة اللي غصب عنها لغي كل اتفاق
الهنوف اللي تمد الغلا مثل الرحيق
علمتني كيف اطيق الذي صعبِ يطاق
وعلمتني كيف اضحي على شان الرفيق
وعلمتني كيف اخوض المعارك والسباق
وعلمتني كيف قلب الرجل سهل ودقيق
ذوقتنيّ متعت الطرق طنخه واشتياق
العبه لعيونها كني لحالي فريق
فتنت ِ لو ما تغشى سبب كثر الطلاق
الجمال اليوسفي زاهي العود الرقيق
راحت وراحت كفوفي عليها باصطفاق
وبعدها الهاجوس والحقته النوم العميق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.