مخيم أهالي عنيزة بالجبيل. لـ تركي التركي

مخيم أهالي عنيزة بالجبيل - تركي التركي

مسكت خط الجبيل ابلا مخاويه
لبيت دعوة هلي ورجال ديرتنا

حاولت أبي ذاك وإلا ذاك أو ذيه
ماشفت منهو جزم قابل لخوتنا

جيت أتعذر وأنا بالعذر ما ليه
قلت اسمحولي تراه ظروف عاقتنا

قيل اترك العذر وأنت امبيت النيه
انك تغيب ولا تبغي زيارتنا

قلت الله أعلم وش اللي حاصلٍ فيه
والله تزيد الشرف شوفة جماعتنا

قعدت أهوجس وأشوف النفس مبليه
وطلبت ربي يسهل درب مشيتنا

والعذر يامن حضر ماهوب بإيديه
والحمد لله حضرت ألقي قصيدتنا

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.