لايغرك

لايغرك صغر سني لي عقل يوزن جبال
كم كبير(ن) عاش عمره جاهل(ن) ماله فهيمه

وكم صغير(ن) في الشدايد صار يضرب به مثال
رافع(ن) راسه بعزه ما انحنى في وقت ضيمه

تدري لو صارت حروب وصوتوا لجل القتال
صرت اولهم شجاع وغيري فر م الهزيمه

ما اهاب الموت لأني ما أبي الدنيا لمال
بايع(ن) ماني بشاري دار ماهي مستديمه

كيف ابيها واشتريها واعرف انها للزوال
مابقت لي ومابقت لك في السما ماتدوم غيمه

ولايغرك مظهر الدنيا ترى في كل حال
فيها كل(ن) يختلف واللص ماتهمه جريمه

مايحس بهم غيره ومايهمه قيل وقال
بس ربك مايفوتها ولو كانت قديمه

مستهين بصغر سني بسألك بالله سؤال
وافهمه وحطه في بالك لاتخليها ظليمه

بس خبرني وقلي وش هو معنات الرجال
الرجال بفعلها ولا كلام(ن) ماله قيمه

الرجل لي كلمته في هالهوى صارت هزال
من يلوم البنت لي ضاعت ولي قالوا غشيمه

لعن ابوها من رجوله افقدت كل الخصال
مابقى للروح معنى والقبر يبكي نديمه

من فقد هاليوم دمه ما أبي منه الوصال
بس جروح القلب تكفي ذقت طعنات(ن) أليمه

انجحت خطة عدوكم وابتسم وجه السبال
من يحس يفور دمه صارت النخوه يتيمه

دنيتك لو اضحكت لك وافتحت لجلك مجال
ماتحبك تستغلك تحسب انها لك كريمه

وان جفيت الدربها تغريك ترمي لك حبال
بس هدفها تستجرك لين ماتصبح غنيمه

ماتقول في يوم ابعد دوم تنده لك تعال
لين ماتظفر بصيدك وماتبقي لك حشيمه

العقل الله وهب لك للفكر يابن الحلال
قبل لاتبغي اتكلم خل وجهاتك سليمه

اسعى في اول مسيرك من ظميرك ببتهال
ثابر وتابع عزومك ضد ناس(ن) لك وشيمه

الطموح اليا رميته بين هبلان وخبال
الندم لجلك يرحب والحسد ثم النميمه

بالركاده والرزانه ترتقي فوق وتنال
راية(ن) ترفع أهلها بالمقادير العظيمه

الطريق أخوي واضح مايبي لف وجدال
من يطيق الظلم يندم والزمن مافيه شيمه

خذ علومك من مجرب ماطرق باب الدلال
مافعل شي(ن) وإلا نيته فقصى صميمه

المراجل درب واسع عد حبات الرمال
بس تبغي شخص ناجح للفعل قول وعزيمه