يلوموني و انا اسمي مع الأيام مجنونه
يقولو ربنا يثبت علينا العقل و الدين
وانا بإحساسي الغاوي غناوي حب ملحونه
لطيفة و طبعي الهادي سلاحن يمتلك حدين
جنون الشعر و قليبي محال ان صدقه يخونه
كذوب(ن) من وصف قلبي بأنه يعشق الاثنين
غرور النفس ما لي به و له ناس(ن) يحبونه
و لا لي بالكِبر منوه ..ولكن شيخة(ن) للزين
انا ماهمني قالوا و لا شلي يقولونه
و لا الطم ابد خدي و لا اضرب على الكفين
تركت الولوله للي جنوني ما يطولونه
يظل الشهد للعاجر مثال(ن) للوهن و الشين
عشان ايبرر اذلاله و ضعف(ن) تفضحه عيونه
يشوه / يفتري/يكذب يبالغ يمتعض ويهين
و هاذي حيلة الخاطي و كل اللي يحدونه
حشود(ن) آثرت الا تصدق كذبة الغاويين
جمال الورد يربكهم /بأفظع وصف يرمونه
و كل من زاد في جوره / تغلغل في ثنايا الطين
يقولون الذي يَطمح ،، عواذل ما يهمونه
اذا راد الرقا ياصل لو ان الحاقدين ألفين
بإحساسي اصارعهم و انا ما عيش من دونه
وهذا انا امام الناس قوية شامخة للحين
يهزون الجبل يمكن و حرفي ما يهزونه
جذوره راسخه /خِلقه قبل لا يبدأ التكوين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.