من دون تشبيه
لـ صالح بن عمار، ، في غير مُحدد
من دون تشبيه - صالح بن عمار
آلله .. يا دنيا الفنا والمشاريه.بكتب على خدك من القلب شكواي.دام الشعر عندي وموجود قاريه.بكتب صريح القول .. مابه تلواي.عن القرابه والوصل حرف توجيه.وعن رفقة ٍ بانت مع انياب دنياي.هذا الزمن متغير ٍ كل مافيه.والناس حدتني على قول مشهاي.تكشف لك الدنيا عن وجيه بوجيه.ولو بان صايب يكسره رمح غواي.الصبر درع ٍ والرجل له مباديه.يدحم ضلوع الوقت باقبال واقفاي.قلب المصالح لو شقا الوقت واطيه.وأنا على العزه تقهويت مبداي.انا عرفت الناس من دون تشبيه.أصناف والخالق وقاني بدعواي.ناس ٍ محبتهم علاقه وترفيه.وناس ٍ توالفني .. علشان مخباي.ناس ٍ تكب الخير .. هي ميته فيه.وناس ٍ تشب الشر في نغمة الناي.احد ٍ زرع للغير خير ٍ بأراضيه.واحد ٍ يجيه الراي .. ما ياخذ الراي.جبنا صنوف الخلق والقاف باقيه.بسوق العلوم اللي به الكل شراي.هرّاجة المجلس على البال تنبيه.تشرب وتآكل ني والهرج سرّاي.وليا فتح صدر المجالس أذانيه.غنوا على المجني تقاسيم عوّاي.طاقم فريق .. الشر باليه ماليه.وكبتنهم .! اللي يبتدي بالتشكاي.هذا يثبت كلمته.! ذا يباريه.وْهذاك صَوّت بالهوا شوتها جاي.تسديد شر وفر ذنب ٍ ملا فيه.والليل به عِلّه من حروف حكاي.إيهب ياوجه الخطآ من يجازيه.يصبح سويّه بالغلط .. والتعداي.وْيبقى الردي .. ماغَيّره عِلم يبريه.لو صاب مره باقي الوقت خَطّاي.هذي صنوف الناس من غير تنويه.وأنا هجرت الناس والعز مركاي.
عناوين مشابه
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.