سلام يا جمهور يا كل الحضور-من معرفة شاعر براسه صعلكه
وش رايكم نكتب في الواقع سطور-نناقش الفكره بفهم وتكتكه
الوضع مظلم للأسف ما فيه نور-ويمكن بعد نوصل معه للتهلكه
الشاب ضايع توّه بعمر الزهور-درب الهدايه ما طراله يدركه
بعد العصر صارت له الوجبه فطور-وراس المعسل فك عقله فكفكه
يسهر على ( البيبي ) لحزات السحور-ويسري يدوّر عند ربعه شكشكه
شباب سامج مشيته فيها ضمور-ومستقبله فالت عجز لا يمسكه
والبنت ماشت للاسف نهج الذكور-من فلم للثاني مثلّها مشركه
تفهم في المكياج وانواع العطور-والمطبخ أصبح في نظرها معركه
على المسنجر ساهره تروي شعور-للصاحب اللي ما طراها تتركه
تطلع معه مرّه من أبواب القصور-ومرّه يقابلها ف/ برج المملكة
استثني إللي ما بلي قلبه طهور-لا حاول الشيطان عنده يفركه
لكن نصيحه عند شاعر من دهور-ولقيتها فرصه ولا اقصد فبركه
تكفون يا شيبان راعوا بالمهور-ولا تكثرون شروط يكفي صكصكه
شوفوا وش إللي كاسبه من فالقبور-ولا تنسوا ان الموت درباً نسلكه
ما جيت أسولف أو ألفلف أو أدور-أو جيت أهذّرف بالهروج المضحكه
هاذي نصيحه واقبلوها يا حضور-من معرفة شاعر براسه صعلكه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.