جيت اسأله وصال و قال صرنا كبار
قلت له يا كبير العقل ماهو عذر
يوم زاد الغلا بالمعرفه و الوقار
خلنا نستمر احباب طول العمر
لاتسرع بحرماني و تصدر قرار
قبل ماتفهم المكتوب سطراً سطر
وضع اسير البهاء لايقبل الاعتذار
ملني من ثلاث اعوام ليل السّهر
يوم يرقد خلي البال ليلي نهار
المساء لي ضحاهن و الصّباح لي العصر
بس ابا شوفتك مره و نجري حوار
ان حصل حبذا يكون في مختصر
عزلتي بك طموح لي بكل افتخار
وش بعدها يداوي جرحي اللي كبر
اي شي يمس العرض جعله ودار
بس نظره و ضحكه كلما في الأمر
تحت ضوح النّجوم بساحة الانتصار
كان صور لي الخدين ضوء القمر
خلنا نضرب البيداء يطير الغبار
خلنا نستثير اللي بعد ماظهر
خلنا نكشف الخافي جهاراً جهار
بيننا بس مانطلع عليه البشر
خلنا نكسر الحاجز و نلغي الحصار
وش بقى ماورانا غير موتٍ حمر
خل قبطانا تضرب عموق البحار
ينتظرك اللحد ولا انت وش تنتظر
روح ربك طويله و العواذل قصار
خلنا نشبع الحساد غيض و قهر
قدرة الله عظيمه و العواذل صغار
خلنا نشبع الشيطان خزي و دحر
و كان قصدك نفور و فيك نية بوار
خلها واضحة و قل دربك خضر
جعل عيناً على فرقاك هلت عبار
تقضي العمر كله ماتشوف السّفر
و رجلي اللي خطت خطوتك لأي اعتبار
قبل تنقض خطاها جعلها للكسر
و قبل مانفترق لازم نحدد مسار
ان رقينا سنوداً و ان نزلنا حدر
يومهن سكتين غيرهن لا خيار
حسب ما تكشف الرؤيه طريق القدر
طال ماكان احدنا صار طلاب ثار
خلنا نستمر احباب طول العمر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.