قابل عدوك بالنقا لو يذكيك
اخير من حذفه ليا عنك قفى
حتى العدو ارفع بعينه تعليك
قدرك ليا هفت بك النفس هفا
وان صار فالدنيا شريف يعاديك
عز و فخر لو منه ودك تشفى
وان صار فالدنيا خبيث متبليك
فاحذر عداوة كل داني وعفا
واليا تعدى حد حلمك يماديك
الكلب ردعه حذفة ما تقفى
وحذراك من صحبة خبيثن يواليك
يمشي على وجهين مثل المقفى
وبمصادق اللي للمصالح يراعيك
حاذر ومن شر الصداقه تكفى
كم واحدن لا جاك كنه مصافيك
بضحوك وعلومن عسلها مصفى
دايم يجيك ولا قضى امره يجافيك
محتال بالحيله يدور ويلفا
واليا حداك اله الزمن بايرن فيك
واسقاك هرجه سم كرهن مخفى
يمكن تعادي لك خصيمن يداعيك
وكلن من الثاني حسابه يصفى
ما يجحدك في مجلسن جاب طاريك
عد الصحيح و بالردى ما تقفى
ولا يتبع الغرات يبحث مساويك
بالعقل شد عقال نفسن تخفا
هذا الذي ودك شبيهه يخاويك
تلقاه مثل الستر ثوبن مضفى
تلقاه عضدن فالشدايد يقويك
يسوى رفاقن وقت الاوناس صفا
ماهو خبيثن همه امرن يعنيك
ما كن عنه الوقت كفى ووفى
ما تقفي الا بالنمايم حكا فيك
ولا تقبل الا له حجاجن يرفا
ومن كثر فالاصحاب خابت هقاويك
كن الوفا عدن من الوقت جفا
ويالادمي بالصبر ياجب تحليك
في هجرة نيرانها ما تطفى
ولا تحزن ان عاش بسعاده مشقيك
ولا تفرح ان قالو بسوه توفى
لا في حياته والممات امر يعنيك
والا يعوضك مابه الوقت قفى
يكفيك كاسب درس قاسي يخليك
ابخيص فاللي كن وجهه مقفى
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.