لنا في التاريخ بصمه ورسمه
وآثار ممشانا وصوله وجوله
خذنا من الاجداد خبره وحكمه
ومنهم عرفنا العام وايا فصوله
والبرج منهم عارفينه ونجمه
حتى المطر نعرف معالم هطوله
مآقول نعرف امر ربي وعلمه
والغيث في علم الغيوب ونزوله
والزارعي يبقى محمل بوهمه
في حروة الموسم وكثرة سيوله
وبالتجربه يعرف على حد زعمه
موقع نزول القطر لارا سبوله
اليوم من يخطو خطا ابوه نعمه
ويستقي ما ينفعه من اصوله
والعيب عيب العيب والعيب نقمه
مايقبله من فيه اثار الرجوله
ومسكين من لا يعطي الاصل حجمه
ولا يحترم نفسه مضيع اصوله
وعليه من عارات الانذال وصمه
ولعنه من الاجناب واللي بحوله
احنا ولا فخر المشوه نرمه
مشوه التاريخ لا ماينوله
تاريخنا لا عاش من هو يذمه
ولا احد بالسوء يقدر يطوله
مادام من ربي هوانا نشمه
وفي كل محفل مآخذين البطوله
ونعمل على صون المبادي بهمه
امثال فارس ما يهَمل خيوله
ونقدم الارواح فدوه وخدمه
للديره اللي كل ابوها حموله
الجيد معدن في شعوره ودمه
ماهو انا اللي قلت كلٍ يقوله
مخزون جده في عيونه يضمه
لجل الذي هو في حياته يعوله
وان كان ضايع شيء اخلص لمه
لأن ذا موروث شعبٍ ودوله
يستاهل اللي يبعده عن ملمه
والويح ثم الويح ان ما انتخوله
اهله واهله اهل دينٍ وذمه
يتوخو الشي قبل موعد حصوله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.