مقــاسيـم الشقــى ..!!

الا يا ليتني علمٌت غيبي
وانا أعلم من علي وأهو معيه

لا قله قبل لا يأصل طبيبي
نعلمك ان ها الدنيا دنيه

حشا ما أغلط ولا اكدر صحيبي
وأخمن من يحد الموس ليه

اعرف اللي يبوقون الزهيبي
واضد اللي مبانيهم قويه

ما غير الله وحده هو حسيبي
وغيره ما عليه ما عليه

انا بنت ن تعلى للرقيبي
وتمسي في السماء وانوار ضيه

ولا تخطي بقول ولا تصيبي
وتحكي ماتشوف وهَي عليٌه

تفاصيل الحياه اللي تعيبي
ومنهاج الحياه اللي تقيه

دروس ن في عبرها للقريبي
حدود الهيل كيف الشاذليه

انا ما اغلط ولاجامل قريبي
اقول الحق لو قالو غبيه

عيب العيب تبقى به عطيبي
وتفنى قبل لا تأتي الضحيه

زمان الخٌلف في فقده نهيبي
كثير نهوب في الدنيا الشجيه

جرى حكم المقدر ب النصيبي
تحت حكم العلي رب البريه

تطيح وتبلع المر وتطيبي
وتنقضك الجروح اللي خفيه

تنَحاك الليالي للمغيبي
ويفجعك الظلام بحرب ضيه

صويب ن في الحياه ومستصيبي
ولا تٌفرق عن اهل الجاهليه

ولا ترجع لمن راحت قريبي
ولا يشقيك مرواح الدنيه

بها طلابها يمسي طليبي
وتصتك وتضيق اللي فضيه

مقاسيم الشقى لين المشيبي
تعٌم خصوص للروس القويه

وتثنيها وتدعيها خريبي
وتلحق في هوام الروس كيه