يالله يالمعبود ياعالم الشان
من دون معبوده فلا صك بابه
يالله تجنب منطقي كل شيطان
وتدلني للحق وانطق صوابه
يلا دعا الداعي وحان الوعد حان
باب الجمايل ما تقفل حسابه
حتى لو أني من ورا بحر عَمان
اطوي فياض الأرض تحت السحابه
في محفل الأجواد خطلان الايمان
كلاً حضر والحفل كلاً درابه
اتعب على الجزلات واختار الأوزان
واختار قرطوعً عذياً شرابه
يابو فهد سعد الخوي ياكحيلان
جملت جاهك والنسب والقرابه
في ذمتي سميتك الطير حوران
لأنك كفو والكفو جاك بثيابه
أنشهدأنك ياسعد منت بلشان
ربعك زحول القوم مثل الذيابه
قحطان يا جاهل عن افعال قحطان
الابه الي عزها خير لابه
فيها الوفاء باقي على مر الأزمان
أهل الكرم والجود وأهل المهابه
فزعة عرب فكة نشب جيش فرسان
عدوهم يبطي وهو في عذابه
ولدهم لامنه حضر كل ميدان
سيفً ذريعاً يحتميبه جنابه
تنشر لكم بيضاً على كل مابان
يا أهل الوجيه البيض ماهي غرابه
ماني على مدح المطاليق غلطان
مدام لي عزوة لراسي عصابه
من غامد الهيلا هل أسنان وعنان
تاريخنا قبل النبي والصحابه
مانقبل الهين ولو كان ماكان
ولا يمحي التاريخ حبر الكتابه
لاعنكب البارود بأمات نيشان
نارد حياض الموت واهلاً هلابه
وكل القبايل غاليه مثل الاعيان
ولا نهضم حقوق العرب بالخطابه
واليوم في نعمة وفي أمن وآمان
وخير عسى ربي بشره كفابه
عاش الملك عبدالله وعاش سلمان
وعاشت ديار الحكم بأرض الرحابه
تمت وعذري كان بالقول نقصان
في موقفاً شرف لمنهو حكابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.