يجمّرني غيابه ... و آتدفّى
لهيب الشوق عيّا .. ايتطفّى
تقلّبني طيوفه .. في المضاجع
أحاول أغفى ..لاكن كيف أبغفى ؟
سجين الليل .. و الذكرى تقيّد
جِلَدني الصمت .. و الجدران منفى
و لكن يشهد الله .. في انحباسي
وقَف دمعي معي .. ( كفّا و وفّا ) !
يِهَدّي الحزْن .. من فقْْد الغوالي
و كل ضيقة دَمِع ..جفني ذَرَفّا
و يشهد ربّي بأن السهْد وافي
وِقَف وقفة معي .. محْدٍ وِقَفّا
تهون الدنيا في عيني .. ابكِبِِرها
بعد ما اغلى أحبابي .. توفّى !!
سألت الجود .. من يرثي رحيله ؟
و جاوبني : " يا ابْن الجود تكفى ! "
نحِن لو نختبر لرجال .... كلها ؟!
ما نلقى مثْل ابوك في العهْد .. أوفى
ابوك ان هو نِطَق .. يصدق و يعفو
عنَ المخطي .. و يكرم من تِعَفّى
كريم اللفظ .. و الافعال أكرم
كأنّه غيم يسقي أرض .. عجْفا
تقول السحب نتعلّم من اكفوف
ابوك .. اشلون غِمَر هالارض ..و أضفى ؟
يا حيّ ٍ في قلوب الناس .. تنبض
يا بدر ٍفي النواظر .. ما هو يخفى
سفِن عمري تضيع في موج عاصف
و تغرق في البحر من دون .. مرفى
سقى الله قبر ضمّ ( انسان غالي )
ابويَ الّي في قلوبنا ..ما تِوَفّى
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.