مليت منهم يشهد الله مليت. لـ علي محمد الاسمري

مليت منهم يشهد الله مليت - علي محمد الاسمري

مليت منهم يشهد... الله مليت
مليت من صحب(ت)رجالن يغثون
 
منهم يقول انا فعلت انا سويت
وياكثر منهم بالاخلايق يحشون
 
نصحتهم وارخيت حبلي.. وشديت
عنيت نصحي راح بالصدر مطعون
 
حاولت في صد الكور لكن ازريت
واحد يثبتها وعشرة يشوتون
 
طلقت جلستهم ثلاثه... وقفيت
وشلي بهم حتى الصلاة مايصلون
 
مايملكون الصبر وقلوبهم ميت
لاحلت الاقدار قاموا يصيحون
 
وشكرت ربي وقتها ثم صليت
وسجد للي صررف الخلق والكون
 
سلام لاهل الدين واهل المواقيت
اللي عن فروض الولي مايغيبون
 
سلام ياللي بالمراجل لهم صيت
فيهم صلاح وللكرامه يجلون
 
سلام ياللي لابغيته يقول جيت
يوفي بميعاده ولاينقصر دون
 
سلام ياللي فالحنايا لهم بيت
فيهم طهاره وللصداقه يحنون
 
انشهد انهم عزوتي لا تعزويت
سمعه تسر البال وابليس ملعون
 
ياسامعي كانك تبي العز والصيت
اترك ضعيفين الروابع يولون
 
 
علي بن محمد بن هادي الاسمري

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.