زعـل توجـد بالعلـم وأرســل القـيـل

زعل توجد بالعلم وأرسل القيل
وأجمل مثايل في هضابه كتبها

والله مالومه بالعلم يارجاجيل
ذيك الجبال اللي تفرع أشعبها

جلست ليلي يازعل ساهر الليل
وشبت نار وقمت اصالي لاهبها

ذكرتني جيل(ن)مضى قبل هالجيل
وذيك الجبال النايفات وعربها

من الشهيبا ألآم قيف الثواليل
عسى الحيا من غر مزنه ضربها

دار(ن) لا وني ذقت منها البهاذيل
وشفت المشاكل والعنا من سببها

لاشفتها كني على شاطي النيل
كني ملكت صخيبرات وذهبها

لوهو زروا علي بعض المهابيل
ضعوف ناس(ن) مايشرف نسبها

أهل العلوم الهافيات المهازيل
جرب النفوس اللي خطير(ن) جربها

أخص رديان(ن)تجرع من الويل
وأهل الكرم تكرم ويكرم شنبها

الديار(ن) يوم اليالي مذابيل
حراسها حنا ولاحد(ن) قربها

يشهد لنا جوف العلم والمواويل
وقصايد اهل المعركه لاهذبها

قول(ن)وكاد وغير قابل لتعديل
سوالف(ن) كل(ن)عرفها وقضبها

علم(ن) وكاد أموكد(ن) حيل بالحيل
ومدونه محد(ن)لنفسهه نسبها

ماهي علوم اللي علومه تهاويل
خبل(ن) الياجاب السوالف قلبها

بني رشيد أن عتم الجو كالليل
محد(ن)على كسب المراجل غلبها

لدخيلنا بالرض(ن)سكنا مداهيل
والجار نترك غلطت مانحسبها

ولضيف تكفي قصة الدليم بالقيل
ثلاث رؤس(ن)لاجل راسه قصبها

وفي كل قوم ودار ناس(ن)حلاحيل
والنار دون الدار يشعم حطبها