الشرف قابوس والتاريخ هِمه
والشعر عندي من الاشيا المهمه
وان تباها في عمان وطيب هلها
ماتباها الا بأهل مبدا وذمه
يامسا الخيرات يا النبل الحقيقي
والوفا اللي يدهر بالعز دمه
ويامسا الأنوار يالمجد المسمّى
يوم قال المجتمع بالله سمه
طيبكم مشهود من كابر لكابر
وعزكم بدرٍ جلت به كل غُمه
وفرقكم عن غيركم فرق المظفر
عن رديٍ ما تعدى صيته أمه
شعب بشهد له على مر الليالي
ما نشر فتنه ولا غاب بملمه
كل تاريخه سلامٍ او تطور
يوم تاريخ اكثر العالم مذمه
أيه أحب عمان وأقدر عربها
يوم ما فيهم هل أحقادٍ ونمه..
وإيه أحب عمان وأقدر عربها
واشهد انهم هل تسامح وأهل لمه
ينبذون الطائفيه والتطرف
لا نفث ثعبانها بالغدر سمه
العمانيون فخرٍ للعروبه
ما استساقوا خلف فتنة كل خمه
والعمانيون رغم أنف العواذل
شعب راقي شعب واعي شعب قمه
أحترم فيه التواضع والتسامي
وأحسن الأخلاق في تمثيل الأمه
واحترم فيه التوحد والترابط
حول بعضه في السنين المدلهمه
عاشت أرض السلطنه للمجد بيرق
ومنهجٍ ماغير عز الشان همه
دولةٍ ماتنبت الا أغلى المبادي
والوفا والعز من خنجر وعِمه
يفتخر في عزته راس العماني
وان تفاخر يفتح التاريخ فمه
ويكفي اهل عمان من كل المفاخر
والكلام بناقصه والا متمه
روسهم دايم توجها العمايم
والعمايم ملبس الرسل والأئمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.