نظرتك فم ..!
لـ صالح بن عمار، ، في غير مُحدد
نظرتك فم ..! - صالح بن عمار
ان كنت تهواني ...... أنا داخلك دم.اسقي خلايا الروح واعيش بك روح.تعال كفني مع الحزن ..... بالهم.وارحل بعدها .... ياحبيبي ومسموح.تدري .. وش اللي يقهر القلب ويغم.اني وفي ..... واعيش بالوقت مجروح.تعال .. في وجه المشاريه نلتم.دام الصدر ماهو للاعذار مفتوح.قدم لي الشرهه ...! لها نظرتك فم.وتلقى سمين العذر للعين مذبوح.جيتك تعب .. بَيّن على وجهي الغم.شايل مشاعر تحرق الجوف بالنوح.ابطيت واقف.! ماشكت وقفتي كم.والعين فيها مْن الغلا سر مفضوح.متى تجيني بالرضا ....... وارد اليم.تشرب وترويني من الروح للروح.ناداك حسٍ ..... فيه شهقات مغرم.والصوت من كثر التناهيد مبحوح.خميت طيفٍ .... ارقبه داخلي خم.عايش غلا بالعمر والشعر والبوح.صورتك تسقيني مع ايامها سم.سم البعد سيطر على الروح بجروح.وقبل الوداع ..! ورحلة الغم والهم.عطني خسارة عمري اليوم ثم روح.
عناوين مشابه
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.