طبعي مزوح ..
لـ ماجد الحجري، ، في الصداقة والاخوه، آخر تحديث
طبعي مزوح .. - ماجد الحجري
طبعي مزوح وما أتعدا به حدود ،وما أمازح إلا من عطاني الميانه..مزحي مع الغالي يقربه لي زود ،وإذا تضايق ضاق صدري عشانه..وما ابادل الغالي اذا صد بصدود،أستسمحه و أرضيه و أعز شانه ..وإذا عرف قدره معزز يبي يعود ،على الرفيق إلي على الجد صانه ..وانا على ممشاي أتبع خُطى العود،واضح و مبعد عن دروب النتانه ..واجود في خوة هل الطيب والجود ،و الصاحب آشوفه بعيني أمانه ..محفوظ قدره غاب او كان موجود ،و يبقى مكانه دايمن هو مكانه ..و المزح بين الي يمونون محمود ،بس المهم يكون طالع ب اوانه ..ويكون بحدود الأدب مابه لهود ،ويكون مبعد عن حدود الإهانه..و المزح باليدين صاحبه مقرود ،له يوم يلقى من مزوحه إدانه ..والفاهم اللي ما تعدا به حدود ،حافظ قدر نفسه وصاين لسانه..
عناوين مشابه
|
|
|
|
|
أحدث إضافات الديوان
© 2025 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.