تحطم كبريائي لك وجيت ب (ذل) اترجاك
وهانت عزتي لجلك .. ولجلك ترخص ازماني
وانا والله ما هانت وذلت عزتي لسواك
ولي قدري..ولي تقدير في ربعي..ولي شاني
أمانه خل لي فرصه أوضح موقفي وياك
أبي ((فرصه أخيره)) بس مابي غيرها ثاني
رفعت ((الرايه البيضا)).وصار آخر أمل ((ألقاك))
تراني لو لقيتك ما لقيتك بس ... ((بلقاني))
أنا من غبت عن عيني ... وعيني حاضنه ذكراك؟
وروحي تتبع ادروبك .. وقلبي شايل احزاني!
ألا يا كلي ... و(كلي وكل الكون) ما يسواك
ألا يا شاغل التفكير يا ساكن بوجداني
وش الأيام من دونك وانا من هو انا لولاك؟
حرام أضيع وابقى فيك تايه وانت ((عنواني))
حرام اوقف على بابك وانا ياما وقفت معاك
ولما جيت محتاجك معاي ...قصدت خذلاني؟
عساني م انحرم يا ((صاحب الحرمان)) من لقياك
((أحبك)) لو تعذبني و تتلذذ بحرماني
تراني صرت ((للأحزان توأم)) من بدا فرقاك
أمانه لا تخليني بدونك ((توأم أحزاني))
واذا قررت تنساني فانا والله ما أنساك
ولا انسى عشرتك إلّا إذا ربي توفّاني
((وببقى)) .. لو بقى عمري ليوم الدِّين .. ((أتمناك))
وتبقى ((حبي الأول)) وتبقى ((نصفي الثاني))
***
بقلمي / زياد السنباني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.