محاورة مع الشاعر عبدالله الهاجري

. محاورة جمعتني بالشاعر عبدالله الهاجري .
( عبدالله القحطاني )

سلام تسليمة شرف يلبس لها الثوب الجديد
حط الحطب شب الحطب .. والنار من شبابها

ان شاع ليلك قمرةٍ عيّت تغيب ولا تحيد
مدري قضى ولا سبب .. والنار من شبابها

( فهد المنصوري )
يامرحبا يا الهاجري والعلم لا ياصل بعيد

ابشر بمن زاد الهب .. والنار من شبابها
ان شاع ليلي جيت لك فزاع وطلب ماتريد

ما غمضت عين وهدب .. والنار من شبابها
( عبدالله القحطاني )

ودي نقدم لك وعد قدام ، يفزعك الوعيد
ابشر وفالك بالشبب .. والنار من شبابها

ماعاد باقي فالصعيد الا معاجيز الصعيد
احدٍ رضى واحدٍ غصب .. والنار من شبابها

( فهد المنصوري )
اركب على سبّق خيولك لا تجيب الا مفيد

احذر تثنى بالركب .. والنار من شبابها
وشلون تحكم وانت رابض تحت عودان الجريد

فيّة حصاها للقَرَب .. والنار كن شبابها
( عبدالله القحطاني )

بانت سعاد وقلبك المتبول غنى يا سعيد
عادت وعاد إلك الطرب .. والنار من شبابها

ان قلت لي جدي عماد الدين يا عبدالحميد
اهديك عذق امن الرطب .. والنار من شبابها

( فهد المنصوري )
بانت ولا لك في طرفها يا المجلّا لو حفيد

قسمك يجي منها عصب .. والنار من شبابها
مالي ورا الضايع طماعه خابر اللي بالرصيد

فقري رصيده فالقصب .. والنار من شبابها
( عبدالله القحطاني )

الي جلس وسط العراده ما يحول فالعريد
مافادكم كثر النشب..والنار من شبابها

خابرك من خبري لبن هندي وعيشه فالرغيد
اليا حزن دمعه سكب .. والنار من شبابها

( فهد المنصوري )
ليتك قدحت الزند معهم .. مير خلوكم عبيد

احدن نجح واحدن رسب .. والنار كن شبابها
اعيال شايبها تعنوا .. ونكتب فيهم وعيد

دور على منهو كتب .. والنار من شبابها
( عبدالله القحطاني )

تفخر عتيبه في علومٍ شيّبت راس الوليد
حطوا لها راس وذنب .. والنار من شبابها

اعيال شايبها حموك إمن المجاعه يا شريد
تاريخهم فعل وجنب. .والنار من شبابها

( فهد المنصوري )
وشفيه صوتك يرتفع والصوت حجه للبليد

اليا انفرك حشمك نصب .. والنار من شبابها
كثر الصخب ما ورّدك جمه وزادك قفل قيد

واكبر دليل بك الغضب .. والنار من شبابها
.المحاورة الثانيه .

( عبدالله القحطاني )
الثبيتي لقيته وان لقيته

قلت له مرحبا والسيل سايل
ليت بيتي قريبٍ عند بيته

ما تعنّا ولا ارسل له رسايل
( فهد المنصوري )

مرحبا يا عميلن تو جيته
من قحاطين نجد اهل الفعايل

جيت يا صاحبي لو ماوحيته
والعوض جاك للمدات طايل

( عبدالله القحطاني )
كم طريقٍ مع المسرى نويته

مال دربك ولو ما كنت مايل
كل ما شفت لك شيٍّ شريته

صرت بين العرب للحمل شايل
( فهد المنصوري )

يا مقاوي لشخص ما قويته
ما يفيد الحيل ولا المحايل

الطم العايل وما بغا خذينه
وبالكرم كم نحرنا كل حايل

( عبدالله القحطاني )
ريعك الي حميته قد رعيته

عظمك الغض ما حوله صمايل
جود كفّك تراني ما نسيته

آه يا ليت مسكانك بحايل
( فهد المنصوري )

راح نجد المسمى يوم جيته
يوم زغبه تستر بالشمايل

قيف قحطان وش حيه وميته
والعشيه تردون المثايل

( عبدالله القحطاني )
من بخيت العطاوي لا بخيته

سر مدفون من بين النثايل
ان نصاني ضعيفٍ ما نصيته

كيف نعمي عيونٍ ما تخايل
( فهد المنصوري )

وسمنا في طرفها ما نسيته
الكتب وثّقت كل الفعايل

برّد الميسم اللي لك شريته
بان فعله من يدين الاصايل

( عبدالله القحطاني )
وسمكم فالبلاد الي ربيته

مير حنا وسمنا فالقبايل
لو بنعطيك غيرك ما عطيته

خابرك لو تروعك الفتايل
( فهد المنصوري )

حبلها في يديني ما رخيته
عندكم ما لقيت الا الهوايل

التوى فوق غاربها لويته
يحسبون الظروف تجي سهايل

( عبدالله القحطاني )
حبلها في يدينك ما رميته؟

كثر ما ذاق غاربك الهوايل
طارف الهول من ريع البهيته

يشتكون الشدايد والنزايل
( فهد المنصوري )

قفل الباب بعد انك بديته
كثر ما فاد ضربي للجلايل

سدد النقص كان انك سريته
ودع ربك يفرج اللي فالمسايل